25.12.2024 | 22:59
Վթար Երևան-Երասխ ավտոճանապարհին․ կա տուժած
Սիրիայում քուրդ զինյալները կթաղվեն, եթե զենքերը վայր չդնեն․ Էրդողան
Քաղաքականություն
25.12.2024 | 20:59
Թուրքիայի նախագահ Թայիփ Էրդողանը հայտարարել է, որ Սիրիայում քուրդ զինյալները կա՛մ վայր կդնեն զենքերը, կա՛մ «կթաղվեն»՝ այս ամիս Սիրիայի նախկին նախագահ Բաշար Ասադի տապալումից հետո Անկարայի կողմից աջակցվող սիրիացի և քուրդ զինյալների միջև ռազմական գործողությունների ֆոնին, գրում է Reuters-ը։
Ասադի հեռանալուց հետո Անկարան բազմիցս պնդել է, որ քրդական YPG-ի զինյալները պետք է լուծարվեն՝ նշելով, որ խմբավորումը տեղ չունի Սիրիայի ապագայում։ Սիրիայի ղեկավարության փոփոխությունը թիկունքում է թողել երկրի հիմնական քրդական խմբավորումները:
«Անջատողական մարդասպանները կա՛մ հրաժեշտ կտան իրենց զենքերին, կա՛մ նրանց զենքերի հետ միասին կթաղեն սիրիական հողերում։ Մենք արմատախիլ կանենք ահաբեկչական կազմակերպությունը, որը փորձում է արյան պատ հյուսել մեր և մեր քուրդ քույր-եղբայրների միջև»,- ասել է Էրդողանը խորհրդարանում իր իշխող «Արդարություն և զարգացում» կուսակցության պատգամավորներին։
Թուրքիան ԱՄՆ-ի դաշնակից Սիրիական դեմոկրատական ուժերի (SDF) հիմնական բաղադրիչը հանդիսացող քրդական YPG-ի զինյալներին դիտարկում է որպես արգելված Քուրդիստանի աշխատավորական կուսակցության (PKK) զինյալների ընդլայնում։
Էրդողանը նաև ասել է, որ Թուրքիան շուտով հյուպատոսություն կբացի Հալեպում։
Թարգմանությունը՝ Էմմա Չոբանյանի
