17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Ղազախստանում ադրբեջանական օդանավի կործանումից 32 մարդ ողջ է մնացել
Քաղաքականություն
25.12.2024 | 14:45
Ղազախստանում AZAL-ի (Ադրբեջանական ավիաուղիներ) ինքնաթիռի կործանումից հետո 32 մարդ ողջ է մնացել։ Ադրբեջանական լրատվամիջոցների հաղորդմամբ՝ այս մասին հայտնել է երկրի Գլխավոր դատախազության մամուլի ծառայության ներկայացուցիչ Քենան Զեյնալովը։
Նրա խոսքով՝ դեպքի առիթով քրեական գործ է հարուցվել, այն քննվում է Ղազախստանի դատախազության հետ համատեղ։
«Մենք չենք կարող հայտնել հետաքննության արդյունքների վերաբերյալ։ Բոլոր վարկածներով կատարվում են համապատասխան փորձաքննություններ՝ Ադրբեջանի գլխավոր դատախազի տեղակալի գլխավորությամբ, որն աշխատում է դեպքի վայրում»,- ասել է Զեյնալովը։
Հաղորդվում է, որ ողջ մնացածների թվում են Ադրբեջանի 14, Ռուսաստանի՝ 10, Ղրղզստանի՝ 2 քաղաքացիներ։
AZAL-ը հրապարակել է նաև Ղազախստանում կործանված օդանավի ուղևորների ցուցակը։ Դրանում 67 մարդ է եղել, այդ թվում՝ 62 ուղևոր և անձնակազմի 5 անդամ։
Թարգմանությունը՝ Էմմա Չոբանյանի
