09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Ղազախստանում կործանվել է Բաքվից Գրոզնի թռչող Ադրբեջանի ավիաուղիների օդանավը․ ՏԵՍԱՆՅՈՒԹ
Քաղաքականություն
25.12.2024 | 12:09
Ղազախստանում կործանվել է Բաքվից Գրոզնի թռչող Ադրբեջանական ավիուղիների (AZAL) մարդատար ինքնաթիռը։ Ադրբեջանական լրատվամիջոցների փոխանցմամբ՝ ինքնաթիռը «SOS» ազդանշան է տվել Կասպից ծովի վրայով թռչելիս։ Վթարային վայրէջքի համար Ղազախստան մեկնող ինքնաթիռը վթարվել է Ակտաու քաղաքի օդանավակայանի տարածքում։
Նախնական տվյալներով՝ ինքնաթիռում եղել է 67 ուղևոր և անձնակազմի 5 անդամ։
AZAL-ից հայտնել են, որ Բաքու-Գրոզնի չվերթն իրականացնող Embraer 190 ինքնաթիռը հարկադիր վայրէջք է կատարել Ակտաու քաղաքից 3 կմ հեռավորության վրա։ Նախնական տեղեկություններով՝ միջադեպի պատճառը եղել է ինքնաթիռի և թռչունների երամի բախումը։
Դեպքի վայր է մեկնել Ղազախստանի ԱԻՆ-ի 52 փրկարար և 11 միավոր տեխնիկա։ Փրկարար ջոկատները մարել են օդանավում բռնկված հրդեհը։
Ղազախստանի Առողջապահության նախարարությունը հայտնել է 6 մարդու փրկվելու մասին։ Այլ տեղեկություններով էլ՝ 12 մարդ, այդ թվում՝ մեկ երեխա, տարբեր աստիճանի վնասվածքներով տեղափոխվել է հիվանդանոց։
Թարմանությունը՝ Էմմա Չոբանյանի
