17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Ուկրաինան իր առաջին 1 միլիարդ դոլարն է ստացել ռուսական սառեցված ակտիվներից
Քաղաքականություն
24.12.2024 | 21:43
Ուկրաինան առաջին միջոցներն է ստացել ռուսական սառեցված ակտիվներից։ Այս մասին Telegram-ի իր ալիքում հայտնել է Ուկրաինայի վարչապետ Դենիս Շմիգալը։
«Ուկրաինան ԱՄՆ-ից ստացել է 1 միլիարդ դոլար, որը ռուսական սառեցված ակտիվներից ստացված եկամուտներից է։ Սա ծրագրված 20 միլիարդ դոլարի առաջին մասնաբաժինն է, որն ԱՄՆ-ը պատրաստ է հատկացնել ռուսական ակտիվների օգտագործման միջոցով G7-ի նախաձեռնության շրջանակում»,- նշել է Շմիգալը։
Ուկրաինայի վարչապետը չի հստակեցրել, թե երբ Կիևը կստանա նշված գումարի մյուս մասերը։ Շմիգալը նշել է, որ 1 միլիարդը կհատկացվի Համաշխարհային բանկի կողմից որպես անվերադարձ դրամաշնորհ՝ ի հաշիվ Սառեցված ակտիվների մեխանիզմի շրջանակում ԱՄՆ-ի առաջիկա ներդրման:
Հոկտեմբերին «Մեծ յոթնյակի» ղեկավարները հանդես եկան համատեղ հայտարարությամբ՝ նշելով, որ համաձայնության են եկել Ուկրաինային 50 միլիարդ դոլարի վարկ տրամադրելու մանրամասների շուրջ: Ընդգծվել է, որ վարկերը կսպասարկվեն Ռուսաստանի սառեցված ակտիվներից: Միաժամանակ, ԱՄՆ-ը պարտավորվել է 20 մլրդ դոլար հատկացնել Ուկրաինային, իսկ մնացած 30 մլրդ դոլարը հատկացվելու է G7-ի և ԵՄ-ի համատեղ ջանքերով։
Թարգմանությունը՝ Տաթև Ֆռանգյանի
