08.10.2026 | 18:10
ՀՀ-Ադրբեջան քննարկում Գորիսում՝ TRIPP-ի հարցով // «Ռոսիա»-ի շենքի բռնագանձնման պահանջ է դրվել․ ԼՈՒՐԵՐ
Սիրիայում մեր առաջնահերթությունն ահաբեկչության վերացումն է․Հաքան Ֆիդան
23.12.2024 | 11:12
Թուրքիայի ԱԳ նախարար Հաքան Ֆիդանը X-ի իր միկրոբլոգում ամփոփել է Դամասկոս կատարած այցն ու Սիրիայի նոր առաջնորդ Ահմեդ ալ Շարայի (Ջոլանիի) հետ հանդիպումը։
«Այս այցը, որը մենք իրականացրեցինք երկար տարիներ հետո, կլինի սիրիացի ժողովրդի համար նոր, հուսադրող դարաշրջանի առաջին քայլը»,- գրել է Ֆիդանը՝ նշելով, որ «թուրքական ազգն ու պետությունը նախագահ Ռեջեփ Թայիփ Էրդողանի ղեկավարությամբ դժվար պահին մենակ չեն թողել սիրիացի ժողովրդին, Թուրքիան աջակցում է սիրիացի ժողովրդին ու պատրաստ է աջակցել բոլոր ոլորտներում»։
«Սիրիայի համար մեր առաջնահերթությունն է՝ երկրում կայունության և անվտանգության ապահովումը, ահաբեկչության վերացումը, ազգային հաշտեցման, տնտեսական զարգացման ապահովուըմ և պայմանների ստեղծումը, որոնք տարիներ շարունակ իրենց երկրից բացակայող սիրիացիներին հնարավորություն կտան վերադառնալ հայրենիք։ Թուրքիան ամեն ներդրում կանի անվտանգ, ազատ, բարգավաճ Սիրիայի կայացման գործում, որը նպաստում է տարածաշրջանային խաղաղությանը»,-ասել է Ֆիդանը՝ հավելելով, որ «հավատում է, որ ավելի լավ օրեր են սպասվում սիրիացի եղբայրներին և քույրերին, որոնց պայքարի ականատեսն է եղել 14 տարի»։
Թարգմանությունը՝ Էմմա Չոբանյանի
