10.08.2026 | 13:40
Կանանց NBA-ում 3 միավորանոց նետումների ռեկորդ է գրանցվել. ՏԵՍԱՆՅՈՒԹ
ԵՀ-ն առաջարկել է չեղարկել վրացի պաշտոնյաների և դիվանագետների համար առանց վիզային ռեժիմը
Քաղաքականություն
20.12.2024 | 21:18
Եվրահանձնաժողովը (ԵՀ) առաջարկել է Եվրամիության խորհրդին՝ կասեցնել Վրաստանի պետական ծառայողների, դիվանագետների և նրանց ընտանիքների համար պարզեցված վիզային ռեժիմը։ Նախաձեռնությունը պատասխան է ցուցարարների նկատմամբ վրացական իշխանությունների «դաժան բռնաճնշումների»։ ԵՄ-ի և Վրաստանի միջև կարճաժամկետ ուղևորությունների համար առանց վիզայի ռեժիմը գործում է 2017 թվականից։
«Այս որոշումը բացասաբար չի ազդի մարդկանց միջև շփումների վրա, քանի որ սովորական անձնագրեր ունեցող Վրաստանի քաղաքացիները կշարունակեն օգտվել ԵՄ կարճաժամկետ ճանապարհորդության համար վիզայից ազատվելու իրավունքից», – ասվում է ԵՀ-ի հայտարարության մեջ: Եթե ԵՄ խորհուրդը հավանություն տա առաջարկին, ապա վրացի դիվանագետներն ու պաշտոնյաները վեց ամսվա ընթացքում պետք է վիզա ստանան մինչև 90 օր տևողությամբ ուղևորությունների համար:
ԵՄ խորհրդի հաջորդ նիստը կկայանա հունվարի կեսերին, երբ բոլոր 27 անդամ երկրների արտգործնախարարները հանդիպեն։ Ընդունվելու համար նախաձեռնությունը պետք է միաձայն հաստատվի։
Թարգմանությունը՝ Տաթև Ֆռանգյանի
