19.07.2026 | 13:01
Մեքենան ընկել է Հրազդան գետը․ փրկարարները դուրս են բերել վարորդի մարմինը
Գերմանիայի նախագահը խորհրդարանի արձակման մասին որոշում կկայացնի դեկտեմբերի 27-ին
Քաղաքականություն
20.12.2024 | 19:44
Գերմանիայի նախագահ Ֆրանկ-Վալտեր Շտայնմայերը մտադիր է դեկտեմբերի 27-ին Բունդեսթագի (խորհրդարանի) լուծարման մասին որոշում կայացնել, հայտարարել է նրա կանցլերի խոսնակ Քերստին Գամելինը։ Խորհրդարանի արձակման դեպքում կկազմակերպվեն արտահերթ խորհրդարանական ընտրություններ։ Այս անհրաժեշտությունն առաջացել է կանցլեր Օլաֆ Շոլցի կառավարությանն անվստահություն հայտնելու պատճառով։
«Վերջին օրերին ես բանակցություններ եմ վարել Գերմանիայի Բունդեսթագի խորհրդարանական խմբերի և խմբակցությունների ղեկավարների հետ՝ համոզվելու, որ դաշնային կառավարության համար այլևս չկա կայուն խորհրդարանական մեծամասնության հեռանկար», – ասվում է Շտայնմայերի հայտարարության մեջ, որը հրապարակվել է X սոցցանցում։
Նոյեմբերին նախագահը խոսել է խորհրդարանը ցրելու իր պատրաստակամության մասին, եթե Օլաֆ Շոլցը չստանա պատգամավորների աջակցությունը (չնայած նա իրավունք ունի պահպանել փոքրամասնության կառավարություն): Դեկտեմբերի 16-ին կայացած նիստում 733 խորհրդարանականներից 394-ը հրաժարվել են իրենց վստահության քվեն տալ նրա կառավարությանը։ Ընտրությունները պետք է անցկացվեն խորհրդարանի արձակումից հետո 60 օրվա ընթացքում։ Մոտավոր ամսաթիվը 2025 թ. փետրվարի 23-ն է։
Օլաֆ Շոլցը Գերմանիայի կանցլեր է 2021 թվականի դեկտեմբերից։ Նրա հետ իշխանության եկած կոալիցիան բաղկացած էր երեք կուսակցություններից՝ Գերմանիայի կանցլերի սոցիալ-դեմոկրատական կուսակցությունը, Կանաչները և Ազատ դեմոկրատական կուսակցությունը (FDP): Կոալիցիայի ներսում պարբերաբար տարաձայնություններ էին ծագում, որոնք ավելի սրվեցին անցյալ տարվա աշնանը 2025 թվականի բյուջեի և Ուկրաինային հատկացվող միջոցների քննարկումների ժամանակ։ Դա հանգեցրեց Գերմանիայի ֆինանսների նախարար Քրիստիան Լինդների պաշտոնանկությանը և կոալիցիայից նրա FDP-ի դուրս գալուն:
Թարգմանությունը՝ Տաթև Ֆռանգյանի
