22.06.2026 | 11:55
Խնդիրներ են ստեղծում խցանումների հետ կապված. ինտենսիվ պետք է աշխատենք. Ավինյան․ ՏԵՍԱՆՅՈՒԹ
Բաքուն ու Անկարան ռազմական համագործակցության հարցեր են քննարկել
Քաղաքականություն
20.12.2024 | 23:19
Ադրբեջանի պաշտպանության նախարար Զաքիր Հասանովն ընդունել է Թուրքիայի զինված ուժերի ցամաքային զորքերի հրամանատարության պատվիրակությանը գեներալ-լեյտենանտ Թունջայ Ալթուղի գլխավորությամբ։
Ադրբեջանի ՊՆ հաղորդմամբ՝ Զաքիր Հասանովը խոսել է Ադրբեջանի և Թուրքիայի ընդհանուր ռազմական պատմության զարգացման փուլերի մասին և ընդգծել, որ «շնորհիվ երկու եղբայրական պետությունների ղեկավարների անձնական բարեկամական հարաբերությունների՝ երկկողմ ռազմական համագործակցությունը հետագա զարգացում է ստացել՝ հասնելով ռազմավարական դաշնակցության մակարդակի»։
Հանդիպմանն ընդգծվել է փորձի փոխանակման, համատեղ վարժանքների և փոխայցելությունների կարևորությունը երկկողմ ռազմական համագործակցության հետագա ընդլայնման համար։
Ամփոփելով՝ կողմերը մտքերի հանգամանալից փոխանակում են ունեցել տարածաշրջանային անվտանգության հարցերի, ռազմական համագործակցության ներկա վիճակի և փոխադարձ հետաքրքրություն ներկայացնող այլ հարցերի շուրջ։
Նշենք, որ օրերս Թուրքիայի զինված ուժերի ցամաքային զորքերի հրամանատարության պատվիրակությունը հանդիպել էր Ադրբեջանի ԳՇ պետ Քերիմ Վելիևին։
Թարգմանությունը՝ Էմմա Չոբանյանի
