08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Էրդողանը առաջիկա 15 օրվա ընթացքում պատրաստվում է այցելել Դամասկոս
Քաղաքականություն
20.12.2024 | 16:07
Թուրքիայի նախագահ Ռեջեփ Թայիփ Էրդողանը պատրաստվում է առաջիկա 15 օրվա ընթացում այցելել Սիրիայի մայրաքաղաք Դամասկոս։ Այս մասին հայտնում է Turkiye-ն։
Հաղորդվում է, որ Սիրիայում տեղի ունեցած մեծ փոփոխությունից հետո Դամասկոսը սպասում է Էրդողանին։ Թուրքիայի Պետական օդանավակայանների վարչության ներկայացուցիչները և Թուրքական ավիաուղիների (THY) թիմը մեկնել են Դամասկոս և ստուգումներ կատարել։ Այնուհետ թիմն այցելել է Հալեպի միջազգային օդանավակայան և այնտեղ ստուգումներ իրականացրել։
Լրատվամիջոցի աղբյուրները հայտնել են, որ Էրդողանը հանդիպելու է HTS-ի առաջնորդ Ահմեդ Ալ Շարայի հետ, նաև սիրիացի թուրքմենների հետ։
Էրդողանի այցի համար օդային և ցամաքային պաշտպանության վահան է ստեղծվելու Համայի, Հոմսի և Իդլիբի գծի երկայնքով։ Կակտիվացվեն նաև թուրքական ռադարները և հսկողության տակ կվերցվի օդային տարածքը։
Հիշեցնենք, որ ավելի վաղ Դամասկոս էր այցելել Թուրքիայի Ազգային հետախուզական կազմակերպության ղեկավար Իբրահիմ Քալընը։
Թարգմանությունը՝ Էմմա Չոբանյանի
