18.07.2026 | 10:51
Վենեսուելայում երկրաշարժերի հետևանքով զոհերի թիվը գերազանցել է 5000-ը
Դամասկոսում Թուրքիայի դեսպանությունն ավելի քան մեկ տասնամյակ անց կվերսկսի գործունեությունը
Քաղաքականություն
13.12.2024 | 14:08
Թուրքիայի Ազգային հետախուզական կազմակերպության ղեկավար Իբրահիմ Քալընը հինգշաբթի մեկնել է Դամասկոս, փոխանցում է Al Monitor-ը:
Ըստ Սիրիայի տեղեկատվության նախարարության՝ Բաշար Ասադի վարչակարգի տապալումից հետո թուրք բարձրաստիճան պաշտոնյաների առաջին այցի շրջանակում Քալընը պետք է հանդիպի սիրիական ապստամբների առաջնորդ Ահմեդ ալ-Շարաայի հետ, որը նաև հայտնի է Աբու Մոհամմադ ալ-Ջոլանի անվամբ, ինչպես նաև Սիրիայի անցումային կառավարության ղեկավար Մոհամմադ ալ-Բաշիրին։
Սոցցանցերում տարածվող տեսանյութերում երևում է, որ թուրքական հետախուզության ղեկավարը դուրս է գալիս Դամասկոսի կենտրոնում գտնվող Օմայադ մզկիթից, այնուհետև նստում է մեքենան, որը վարում է Հայաթ Թահրիր ալ-Շամ խմբավորման ղեկավար Աբու Մոհամմադ ալ-Ջոլանին։
Թուրքիան զինված ընդդիմադիր խմբավորումների հիմնական աջակիցն է, որոնք միացել են Ջոլանիի գլխավորած Հայաթ Թահրիր ալ-Շամին վերջին հարձակման ժամանակ։
Քալընի այցը Դամասկոս ընդգծում է Թուրքիայի մտադրությունը՝ ակտիվորեն ներգրավվել Սիրիայի ապագայի կերտման գործում։
Բացի այդ, 2012 թվականի ի վեր առաջին անգամ գործունեությունը կվերսկսի Դամասկոսում Թուրքիայի դեսպանատունը։ Մավրիտանիայում Թուրքիայի նախկին դեսպան Բուրհան Քյորօղլուն նշանակվել է Դամասկոսում գործերի ժամանակավոր հավատարմատար։
Անկարան և Դամասկոսը խզել էին հարաբերություններն ավելի քան մեկ տասնամյակ առաջ՝ Ասադի դեմ պայքարող ապստամբ խմբավորումներին թուրքական աջակցության շուրջ լարվածության ֆոնին:
Թարգմանությունը՝ Էմմա Չոբանյանի
