02.09.2026 | 13:35
US Open. 40-ամյա Գաել Մոնֆիսն ուշագրավ ցուցանիշ է գրանցել իր ծննդյան տարեդարձի օրը. ՏԵՍԱՆՅՈՒԹ
Էրդողանն ու Փեզեշքիանը տարածաշրջանային ու գլոբալ հարցեր են քննարկել
Քաղաքականություն
20.12.2024 | 11:02
Թուրքիայի նախագահ Ռեջեփ Թայիփ Էրդողանը Կահիրեում՝ D-8 գագաթնաժողովի շրջանակներում հանդիպել է Իրանի նախագահ Մասուդ Փեզեշքիանին։
Թուրքական կողմի հաղորդմամբ՝ հանդիպմանը քննարկվել են Թուրքիայի և Իրանի միջև երկկողմ հարաբերությունները, ինչպես նաև տարածաշրջանային և գլոբալ խնդիրներ։
Էրդողանը հայտարարել է, որ Թուրքիայի և Իրանի հարաբերությունները կազմում են տարածաշրջանային կայունության հիմքը, և որ երկու երկրները հնարավորություն ունեն իրենց փոխադարձ առևտրի ծավալը հասցնել 30 միլիարդ դոլարի, ինչին կարելի է հասնել հարաբերությունների զարգացմամբ։
«Նախագահ Էրդողանը հայտնել է, որ ցանկանում է տեսնել Սիրիա, որտեղ գերակայում է կայունությունն ու անվտանգությունը, արմատախիլ է արվելու ահաբեկչությունը, իսկ փախստականները կամավոր և արժանապատվորեն կվերադառնան իրենց երկրներ, և ընդգծել է Սիրիայի տարածքային ամբողջականության և միասնության պահպանման անհրաժեշտությունը»,- ասվում է հաղորդագրության մեջ։
Թուրքիայի նախագահը նաև նշել է, որ Սիրիայի կայունացումը կծառայի ողջ տարածաշրջանի կայունությանը և անվտանգությանը, և որ Սիրիայի արագ վերականգնմանը հնարավոր կլինի հասնել տարածաշրջանային և միջազգային բոլոր դերակատարների ներգրավմամբ։
Թարգմանությունը ՝Էմմա Չոբանյանի
