27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Գյումրիի «Շիրակ» օդանավակայանի նոր մեկնման սրահից մեկնարկել է առաջին չվերթը
Հասարակություն
19.12.2024 | 21:21
Այսօր Գյումրիի «Շիրակ» օդանավակայանի նոր մեկնման սրահից մեկնարկել է առաջին չվերթը: Այս մասին տեղեկացնում է «Զվարթնոց» օդանավակայանը։
«Մեկնման սրահը զբաղեցնում է 1000քմ տարածք՝ 2 նստեցման ելքերով, միաժամանակ 2 չվերթի սպասարկման հնարավորությամբ, սահմանապահ ծառայության 6 խցիկներով, ինչպես նաև՝ 450քմ տարածք նախատեսված անմաքս խանութների և սրճարանների համար:
Արդեն իսկ շահագործվող նոր ժամանման և մեկնման սրահները հնարավորություն կունենան տարեկան սպասարկել մինչև 1.2 մլն ուղևոր:
Նշենք նաև, որ զուգահեռ վերանորոգման աշխատանքներ են իրականացվել «Շիրակ» օդանավակայանի հին մասնաշենքի 700քմ տարածքում, որտեղ նախատեսվում է տարածքներ տրամադրել նաև պետական ծառայութուն մատուցող կազմակերպություններին:
Այս նոր մեկնման սրահը 2 տարի առաջ բացված ժամանման սրահի հետ միասին բարձրակարգ սպասարկում կապահովի Գյումրու օդանավակայանից մեկնող և օդանավակայան ժամանող բոլոր ուղևորների համար։
«Արմենիա» միջազգային օդանավակայաններ» ՓԲԸ կողմից «Շիրակ» օդանավակայանում ընդհանուր ներդրումը կազմում է շուրջ 14 միլիոն ԱՄՆ դոլար»,- ասված է գրառման մեջ:
