16.05.2026 | 13:33
Ալիևի հետ պայմանավորվեք, գրավոր տպեք, ցույց տվեք, որն է խաղաղությունը. Գագիկ Ծառուկյան․ ՏԵՍԱՆՅՈՒԹ
Խորհրդականի ձերբակալությունից հետո Արագածոտնի մարզպետ Սերգեյ Մովսիսյանն արձակուրդ է գնում
Հասարակություն
18.12.2024 | 17:01
ՀՀ վարչապետ Նիկոլ Փաշինյանի որոշմամբ Արագածոտնի մարզպետ Սերգեյ Մովսիսյանը մեկ շաբաթով արձակուրդ է մեկնում:
Վարչապետի որոշման մեջ ասվում է. «Ղեկավարվելով «Հանրային ծառայության մասին» օրենքի 9-րդ հոդվածի 16-րդ մասով և «Կառավարչական իրավահարաբերությունների կարգավորման մասին» օրենքի 16-րդ հոդվածի 12-րդ մասով՝ Արագածոտնի մարզպետ Սերգեյ Մովսիսյանին տրամադրել 2024-2025 թվականների աշխատանքային տարվա ամենամյա արձակուրդի մասը՝ 6 աշխատանքային օր տևողությամբ՝ 2024 թվականի դեկտեմբերի 18-25-ը ներառյալ»։
Նշենք, որ երկու օր առաջ Սերգեյ Մովսիսյանի խորհրդականը թմրամիջոց պահելու կասկածով ձերբակալվել է։
Ավելի վաղ Factor.am-ը գրել էր, որ Արագածոտնի մարզպետի խորհրդականի մասնակցությամբ դեպքով վարույթ է նախաձեռնվել Քրեական օրենսգրքի 396-րդ հոդվածի 1-ին և 393-րդ հոդվածի 1-ին մասի հատկանիշներով։ Քննչական կոմիտեի մամուլի խոսնակ Կիմա Ավդալյանը Factor.am-ի հարցին ի պատասխան հայտնել էր, որ վարույթի շրջանակներում մեկ անձ ձերբակալված է՝ անուն չնշելով։ Factor.am-ի տեղեկություններով, խոսքը մարզպետի խորհրդական Արմեն Մարկոսյանի մասին է։ Քննչական կոմիտեում մեր աղբուրների փոխանցմամբ՝ ձերբալաված խորհրդականին արդեն մեղադրանք է ներկայացվել թմրամիջոց պահելու՝ այսինքն՝ Քրեական օրենսգրքի 396-րդ հոդվածի 1-ին մասի հատկանիշներով։
Մանյա Պողոսյան
