07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
ՌԴ ԳՇ պետը հայտարարել է, թե Արևմուտքը փորձում է «ՀՀ-ին ներքաշել իր ազդեցության տիրույթ»
Քաղաքականություն
18.12.2024 | 21:50
ՌԴ զինված ուժերի գլխավոր շտաբի պետ Վալերի Գերասիմովը օտարերկրյա ռազմական կցորդների համար կայացած ճեպազրույցում Կովկասում տիրող իրավիճակը բարդ է անվանել, գրում է Ինտերֆաքսը։
«Իրավիճակը Անդրկովկասում շարունակում է բարդ մնալ։ Դրա զարգացման վրա ապակառուցողական ազդեցություն է ունենում արտատարածաշրջանային խաղացողների, առաջին հերթին ԱՄՆ-ի և Եվրամիության ցանկությունը, ամրապնդելու իրենց դիրքերը տարածաշրջանում, պահպանելու Վրաստանը և ներքաշելու Հայաստանը իրենց ազդեցության ուղեծիր», – ասել է նա՝ հավելելով․
«Արևմուտքը ձգտում է ապակայունացնել իրավիճակը՝ ֆինանսավորելով և ուղղորդելով Վրաստանում բողոքի ցույցերը։ Այդ փորձերում երևում է շահագրգռվածություն՝ երկիրը ներքաշելու ակտիվ հակառուսական գործողությունների մեջ՝ ուկրաինական սցենարով»։
Գերասիմովը հայտարարել է, թե Ռուսաստանը կառուցողական քայլեր է ձեռնարկում այս տարածաշրջանում։
«Մեծ մասամբ, մեր պետության ջանքերի շնորհիվ ակնհայտ է Բաքվի և Երևանի դրական առաջընթացը երկկողմ հարաբերությունների կարգավորման ուղղությամբ։ Այսպիսով, ներկայում Ադրբեջանի Ղազախի և Հայաստանի Տավուշի մարզի միջպետական սահմանազատման գծի ամենաբարդ հատվածներից մեկի սահմանազատումն ավարտվել է»,- ասել է ՌԴ ԳՇ պետը։
Թարգմանությունը՝ Էմմա Չոբանյանի
