15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
ԵՄ-ն նախապատրաստում է Ռուսաստանի դեմ պատժամիջոցների 16-րդ փաթեթը
Քաղաքականություն
18.12.2024 | 17:59
ԵՄ իշխանություններն արդեն սկսել են աշխատել Ռուսաստանի դեմ պատժամիջոցների 16-րդ փաթեթի նախագծի վրա։ Այս մասին չորեքշաբթի՝ դեկտեմբերի 18-ին, Եվրախորհրդարանի լիագումար նիստի ժամանակ հայտարարել է Եվրահանձնաժողովի նախագահ Ուրսուլա ֆոն դեր Լեյենը։
«Անցյալ շաբաթ մենք ընդունեցինք պատժամիջոցների մեր 15-րդ փաթեթը, որը ներառում է միջոցներ ռուսական ստվերային նավատորմի և շրջանցող երթուղիների դեմ, իսկ 16-րդ փաթեթն արդեն պատրաստվում է»,- ասել է նա։
Ֆոն դեր Լեյենը նշել է, որ պատժամիջոցներն արդեն բացասաբար են անդրադառնում Ռուսաստանի տնտեսության վրա։
«Ռուբլին պատերազմի սկզբից ի վեր ամենացածր մակարդակում է՝ չնայած ՌԴ Կենտրոնական բանկի կողմից իրականացվող զանգվածային հակաքայլերին: Ռուսաստանի տնտեսության որոշ հատվածներում գնաճը հասել է 70 տոկոսի», – նշել է նա։
Նրա խոսքով, ԵՄ-ն շատ հստակ ազդանշան է ուղարկում Կրեմլին. «Որքան երկար շարունակվի պատերազմը, այնքան բարձր կլինի ռուսական տնտեսությունը թանկ կվճարի»:
Թարգմանությունը՝ Տաթև Ֆռանգյանի
