14.03.2026 | 17:15
«Շատ տպավորիչ կառույց է». Փաշինյանը՝ Քաջարան-Ագարակ ճանապարհի թունելից դուրս գալուց հետո. ՏԵՍԱՆՅՈՒԹ
«Մենք ցանկանում ենք, որ «Զանգեզուրի միջանցքը» բացվի որպես խաղաղության միջանցք»․Թուրքիայի խորհրդարանի նախագահ
Քաղաքականություն
18.12.2024 | 18:10
Թուրքիան ցանկանում է ապահովել արդար խաղաղություն Հարավային Կովկասում և վերջ դնել լարվածությանը տարածաշրջանում։ Այս մասին Անկարայում մամուլի ասուլիսում հայտարարել է Թուրքիայի Ազգային մեծ ժողովի նախագահ Նուման Քուրթուլմուշը Ադրբեջանի Միլլի Մեջլիսի նախագահ Սահիբա Գաֆարովայի հետ ասուլիսում, նշում են ադրբեջանական լրատվամիջոցները։
Նա ասել է, որ Թուրքիան հույս ունի, այսպես կոչված, «Զանգեզուրի միջանցքի» շուտափույթ բացման։
««Զանգեզուրի միջանցքը» լինելու է համագործակցության և անվտանգության միջանցք, այն նաև կարևոր անցումային կետ է համաշխարհային առևտրի համար։ Այդ համատեքստում մենք Ադրբեջանին տրամադրում ենք և կտրամադրենք աջակցությունը»,-նշել է Քուրթուլմուշը։
«Մենք ցանկանում ենք «Զանգեզուրի միջանցքի» բացումը, որպես համագործակցության և անվտանգության միջանցք, կարևոր անցումային կետ է համաշխարհային առևտրի համար ոչ միայն տարածաշրջանի, այլև տարածաշրջանից դուրս գտնվող երկրների համար։«Զանգեզուրի միջանցքի» բացումը պայման է ոչ միայն Ադրբեջանի ու Թուրքիայի, այլև տարածաշրջանի բոլոր երկրների շահերի ապահովման։ Մենք ցանկանում ենք, որ «Զանգեզուրի միջանցքը» բացվի որպես խաղաղության միջանցք»»,-հայտարարել է Թուրքիայի խորհրդարանի նախագահը։
Թարգմանությունը՝ Էմմա Չոբանյանի
