13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Թրամփի հատուկ բանագնաց Քիթ Քելլոգը հունվարի սկզբին կայցելի Ուկրաինա, Մոսկվա այց չի նախատեսվում
Քաղաքականություն
18.12.2024 | 14:41
Պաշտոնաթող գեներալ-լեյտենանտ Քիթ Քելլոգը, որին ԱՄՆ նորընտիր նախագահ Դոնալդ Թրամփը առաջադրել է Ուկրաինայի և Ռուսաստանի հարցերով հատուկ բանագնաց լինելու համար, հունվարի սկզբին կայցելի Կիև և մի քանի այլ եվրոպական մայրաքաղաքներ՝ պատերազմի ավարտին ուղղված ջանքերի շրջանակում, հայտնում է Reuters-ը՝ վկայակոչելով երկու աղբյուրների։
Միևնույն ժամանակ, ըստ գործակալության, 80-ամյա Քելլոգը չի նախատեսում այս ճանապարհորդության ընթացքում այցելել Մոսկվա։
Ակնկալվում է, որ նա Կիևում բանակցություններ կվարի ուկրաինացի առաջնորդների հետ, Քելլոգի թիմը նաև աշխատում է եվրոպական առաջնորդների հետ Հռոմում և Փարիզում հանդիպումներ կազմակերպելու ուղղությամբ, Reuters-ին հայտնել են աղբյուրները: Այցերը, ըստ գործակալության, ուղղված են լինելու «տեղեկատվության հավաքագրմանը», այլ ոչ թե ակտիվ բանակցություններին։
Այնուամենայնիվ, ճանապարհորդության ծրագիրը դեռ մշակվում է, և երթուղին կարող է փոխվել, զգուշացրել է աղբյուրներից մեկը Reuters-ին։
Նշվում է, որ այս ուղևորությունը ցույց է տալիս, որ ԱՄՆ նորընտիր նախագահը մեծ նշանակություն է տալիս Ուկրաինայում պատերազմի դադարեցմանը։
Թարգմանությունը՝ Տաթև Ֆռանգյանի
