07.10.2026 | 13:41
Թոմաս Տուխելը ռեկորդ է գրանցել Անգլիայի հավաքականում
Թուրքիայի խորհրդարանի պատգամավորն իշխանություններին կոչ է արել բացել ՀՀ-ի հետ սահմանը
Քաղաքականություն
17.12.2024 | 20:58
Թուրքիայի Ազգային ժողովի ընդդիմադիր քրդամետ DEM կուսակցության Իգդիրից պատգամավոր Յըլմազ Հունը կարևորել է Հայաստանի հետ սահմանի բացումը։ Նա, մասնավորապես, նշել է, որ թեև Իգդիրը սահմանակից է երեք երկրների հետ, առևտրային հարաբերություններ ունի միայն Նախիջևանի հետ։
Ըստ պատգամավորի՝ Հայաստանի, Իրանի և Նախիջևանի հետ ազատ առևտրի գոտիների ստեղծման շնորհիվ կբարելավվի ինչպես քաղաքի, այնպես էլ տարածաշրջանի բնակչության տնտեսական վիճակը։
«Դիլուջու սահմանային անցակետը շարունակում է չգործել, իսկ Ալիջան անցակետը, չնայած այն հանգամանքին, որ հայկական կողմը լիովին պատրաստ է շահագործման, Թուրքիան իր ենթակառուցվածքները չի հասցնում պատրաստության։ Ո՞րն է պատճառը, որ անցակետը չի աշխատում։ Բացեք սահմանային անցակետերը և թույլ տվեք, որ աճի տարածաշրջանի առևտուրը»,- դիմելով Թուրքիայի առևտրի նախարար Օմեր Բոլաթին՝ ասել է Հունը։
Թուրք նախարարն իր հերթին ասել է, որ իրենք համաձայնեցնում են Արտաքին գործերի նախարարության հետ Ալիջան անցակետի բացման հետ կապված հարցը։
Թարգմանությունը՝ Էմմա Չոբանյանի
