21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Հարավային Կորեայի՝ պաշտոնից ժամանակավոր հեռացված նախագահին կանչել են հարցաքննության
Քաղաքականություն
17.12.2024 | 15:09
Հարավային Կորեայի նախագահ Յուն Սոկ Յոլը, որը ժամանակավորապես դադարեցրել է պաշտոնավարումը, հրավիրվել է դատախազություն՝ հարցաքննության։ Նա մեղադրվում է երկրում հայտարարած ռազմական դրության պատճառով ապստամբության փորձի և իշխանության չարաշահման մեջ, հաղորդում է տեղական Yonhap գործակալությունը, գրում է DW-ի ռուսական ծառայությունը:
Աղբյուրի փոխանցմամբ՝ սա դատախազության կողմից Յուն Սոկ Յոլին ուղարկված արդեն երկրորդ ծանուցումն է․ առաջինը նա անտեսել է։ Եթե նա երկրորդ անգամ չներկայանա մինչև շաբաթ՝ դեկտեմբերի 21-ը, կքննարկվի նրան ձերբակալելու թույլտվության հարցը։
Դատախազությունից զատ՝ Յուն Սոկ Յոլին հարցաքննության է կանչել նաև քննչական խումբը, որը բաղկացած է ոստիկանության, Բարձր մակարդակի կոռուպցիայի գլխավոր դատախազության և պաշտպանության նախարարության քննչական վարչության ներկայացուցիչներից: Ըստ այս ծանուցագրի՝ պաշտոնանկ եղած նախագահը պետք է ներկայանա մինչև չորեքշաբթի։
Հաղորդվում է, որ քննիչները նաև խուզարկություններ են անցկացրել նախագահի անվտանգության ծառայությունում՝ փորձելով ձեռք բերել նրա հեռախոսազանգերի ձայնագրությունները:
Թարգմանությունը՝ Տաթև Ֆռանգյանի
