10.08.2026 | 21:34
Գյումրիի տներից մեկում հրդեհ է բռնկվել
Հայտնի են դարձել այն անձանց անունները, որոնք ենթարկվել են ԵՄ-ի նոր պատժամիջոցներին
Քաղաքականություն
16.12.2024 | 23:00
Ռուսաստանում ԵՄ պատվիրակության մամուլի ծառայությունն ուշադրություն է հրավիրել այն փաստի վրա, որ առաջին անգամ ԵՄ Խորհուրդը որոշել է սահմանափակող միջոցներ կիրառել «արտերկրում Ռուսաստանի Դաշնության ապակայունացնող գործունեության համար պատասխանատուների՝ 16 անձի և երեք իրավաբանական անձանց նկատմամբ, գրում է BBC-ի ռուսական ծառայությունը։
Մասնավորապես, պատժամիջոցները կիրառվել են «Գազպրոմ-Մեդիա» ընկերության գլխավոր տնօրենի տեղակալ Թինա Կանդելակիի և «Վալդայ» քննարկման ակումբի ծրագրերի տնօրեն Տիմոֆեյ Բորդաչովի նկատմամբ։ Ցուցակում ընդգրկված են նաև Կրեմլի տեղեկատվական և հեռահաղորդակցության տեխնոլոգիաների զարգացման դեպարտամենտի ղեկավար Սոֆյա Զախարովան, «Ֆրանսիայում Ռուսաստանի Դաշնության կառավարության աշխատակից» Ալեսյա Միլորադովիչը և Բունդեսթագի պատգամավորի նախկին օգնական Վլադիմիր Սերգիենկոն, որն «ակտիվորեն համագործակցել է ռուսական հետախուզության հետ»:
Երգչուհի Լարիսա Դոլինան, UTair ավիաընկերությունը և ծրագրավորող PIK-ը նույնպես ենթարկվել են պատժամիջոցների՝ այլ պատճառներով։
Թարգմանությունը՝ Տաթև Ֆռանգյանի
