09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Ամերիկյան Abrams տանկերի առաջին խմբաքանակը ժամանել է Թայվան
Քաղաքականություն
16.12.2024 | 22:35
Թայվանն ԱՄՆ-ից ստացել է 38 առաջադեմ Abrams տանկ, հայտնել է Թայվանի Պաշտպանության նախարարությունը։ Վաշինգտոնը երկար ժամանակ եղել է Թայբեյի ամենակարևոր դաշնակիցը և զենքի ամենամեծ մատակարարը, ինչը զայրացրել է Պեկինին, որը Թայվանը համարում է իր տարածքի մաս, գրում է VOA-ն։
Ընդհանուր առմամբ, Թայվանը 2019 թվականին պատվիրել է 108 տանկ։ Զինվորականները հայտնել են, որ 38 միավոր M1A2 տանկերի առաջին խմբաքանակը Թայվան է ժամանել կիրակի և տեղափոխվել բանակի ուսումնական բազա Հսինչուում՝ Թայբեյից հարավ:
M1A2-ները 30 տարվա ընթացքում առաջին նոր տանկերն են, որոնք մատակարարվել են Թայվան, հաղորդում է երկրի Կենտրոնական լրատվական գործակալությունը:
Թայվանի տանկային ուժը ներկայում բաղկացած է շուրջ 1000 տեղական արտադրության CM 11 Brave Tiger տանկերից և ամերիկյան արտադրության M60A3 տանկերից։
Abrams տանկերը, որոնք աշխարհում ամենածանրերից են, կազմում են ԱՄՆ բանակի ողնաշարը։
Թարգմանությունը՝ Տաթև Ֆռանգյանի
