14.03.2026 | 15:20
NYMEX. Թանկարժեք մետաղների գները նվազել են
ՌԴ ՊՆ ղեկավարը հայտնել է «անօդաչու համակարգերի զորքեր» ստեղծելու մասին
Քաղաքականություն
16.12.2024 | 21:45
ՌԴ պաշտպանության նախարար Անդրեյ Բելոուսովը հայտարարել է, որ Ռուսաստանում կձևավորվի զորքերի նոր տեսակ՝ «անօդաչու համակարգերի զորքեր», գրում է Meduza-ն։
Նրա խոսքով՝ նման հանձնարարություն է տվել ՌԴ նախագահ Վլադիմիր Պուտինը։
«Ձեր որոշմամբ՝ մենք կավարտենք դրանց ստեղծումը հաջորդ տարվա երրորդ եռամսյակում։ Հաշվի առնելով տիեզերական համակարգերի աճող դերը մարտական գործողություններին աջակցելու գործում՝ անհրաժեշտ է ստեղծել գիտատեխնիկական կենտրոններ նավիգացիոն սարքերի մշակման և տիեզերքում սպառնալիքներին դիմակայելու համար»,- ասել է Բելոուսովը ՊՆ Խորհրդի նիստում՝ դիմելով Պուտինին, որը նույնպես մասնակցել է նիստին։
Ռուսաստանը մշտապես օգտագործում է Իրանի կողմից մշակված «Շահեդ» կամիկաձե անօդաչու թռչող սարքերը Ուկրաինայի տարածքում զանգվածային հարձակումների համար։
Հիշեցնենք, որ 2024 թվականի փետրվարին անօդաչու համակարգերի ուժեր ստեղծվել են Ուկրաինայում:
Թարգմանությունը՝ Էմմա Չոբանյանի
