09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Եվրոպացի դիվանագետները կայցելեն Դամասկոս՝ Սիրիայի նոր իշխանությունների հետ կապ հաստատելու
Քաղաքականություն
16.12.2024 | 15:09
ԵՄ դիվանագիտության ղեկավար Կայա Կալլասը հայտարարել է, որ հանձնարարել է եվրոպացի դիվանագետներին այցելել Դամասկոս՝ նոր իշխանությունների հետ կապ հաստատելու համար։
«Ես հանձնարարել եմ Սիրիայում բարձրաստիճան եվրոպացի դիվանագետներին այցելել Դամասկոս՝ տեղում կապեր հաստատելու նոր կառավարության և ժողովրդի հետ։ Այսօր արտգործնախարարների հանդիպման ժամանակ մենք կքննարկենք նաև, թե ինչպես ենք համագործակցելու Սիրիայի նոր իշխանությունների հետ»,- ասել է նա Բրյուսելում ԵՄ ԱԳ նախարարների հանդիպման մեկնարկից առաջ։
Ըստ Կալլասի՝ երկուշաբթի նախարարները կքննարկեն նաև, թե ինչ մակարդակով է Բրյուսելը պատրաստ հարաբերություններ պահպանել Դամասկոսի նոր իշխանությունների հետ։
Անցյալ շաբաթավերջին Կալլասն այցելել է Հորդանան, որտեղ արաբ նախարարների հետ քննարկել է Սիրիայի ապագան և Դամասկոսի նոր իշխանություններից ակնկալիքները։
Բացի այդ, ֆրանսիացի չորս դիվանագետներ հաջորդ երեքշաբթի կմեկնեն Դամասկոս, RFI-ի եթերում հայտարարել է Ֆրանսիայի հեռացող ԱԳ նախարար Ժան-Նոել Բարոն։
Սա կլինի ֆրանսիացի դիվանագետների առաջին այցը Սիրիա վերջին 12 տարվա ընթացքում, նշել է նախարարը։ Նա հայտնել է, որ դիվանագետները պետք է «նախնական կապեր հաստատեն» նոր իշխանությունների հետ և գնահատեն բնակչության հրատապ հումանիտար կարիքները:
Թարգմանությունը՝ Տաթև Ֆռանգյանի
