17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Իսրայելի իշխանությունները ցանկանում են ընդլայնել Գոլանի բարձունքներում հրեական բնակավայրերը
Քաղաքականություն
16.12.2024 | 13:10
Իսրայելի կառավարությունը հաստատել է Գոլանի բարձունքներում բնակավայրերի ընդլայնման ծրագիրը, գրում է Jerusalem Post-ը:
«Գոլանի բարձունքներում մեր ներկայության ամրապնդումն ուժեղացնում է Իսրայել պետությունը, և դա հատկապես կարևոր է ներկա պայմաններում։ Մենք կշարունակենք բնակություն հաստատել այնտեղ և դրանք կդարձնենք բարգավաճ»,- ասել է Իսրայելի վարչապետ Բենիամին Նեթանյահուն։
Պարբերականի տվյալներով՝ հրեական պետության իշխանությունները մտադիր են կրկնապատկել այս տարածքի բնակչության թիվը։
Գոլանի բարձունքները վիճելի տարածք են. Իսրայելը վերահսկում է այս հողի մեծ մասը, իսկ արևելյան մասը պատկանում է Սիրիային։ Այն բանից հետո, երբ իսլամիստները տապալեցին նախագահ Բաշար Ասադին արաբական հանրապետությունում, Իսրայելը սկսեց ընդլայնել իր վերահսկողությունը հանրապետության հետ սահմանային գոտու վրա:
Դեկտեմբերի 9-ի գիշերը Իսրայելի պաշտպանության բանակը նոր տարածքներ է մտել չեզոք տարածքում։ Al-Mayadeen հեռուստաընկերությունը հայտնել է Լաթաքիա և Տարտուս նահանգներում սիրիական բանակի օբյեկտներին իսրայելական բանակի հարվածների մասին:
Թարգմանությունը՝ Տաթև Ֆռանգյանի
