07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Տարոն Մարգարյանը հարցաքննվել է․ Արթուր Վանեցյան․ ՏԵՍԱՆՅՈՒԹ
Քաղաքականություն
20.09.2018 | 19:19
Երևանի նախկին քաղաքապետ Տարոն Մարգարյանը հարցաքննվել է որպես վկա։ Այս մասին այսօր ՀՀ խորհրդարանի 100-ամյա հոբելյանին նվիրված միջոցառման ժամանակ ասաց Ազգային անվտանգության ծառայության տնօրեն Արթուր Վանեցյանը և նշեց, որ նախկին քաղաքապետը ընդունել է մի շարք խախտումներ, որոնք ի հայտ են եկել Երևան հիմնադրամում։
«Պետական բյուջե է վերականգնվելու 1 միլիարդ 800 մլն դրամ, որի մի մասը յուրացվել էր, մի մասի հիմքերն էլ սխալ էին ներկայացվել։ Երևան հիմնադրամի տնօրենն արդեն իսկ իր համաձայնությունը գրավոր տվել է այդ գումարները վերադարձնելու մասով»,- ասաց ԱԱԾ տնօրենը։
Անդրադառնալով իր և ՀՔԾ պետի գաղտնալսված ձայնագրությանը՝ Արթուր Վանեցյանը նշեց, որ տեխնիկայի նման դարաշրջանում գաղտնալսումը հնարավոր էր, իսկ ինքը գաղտնի որևէ բան չի արել և պատրաստ է պատասխան տալ։ Արթուր Վանեցյանը նաև խոսեց Սերժ Սարգսյանի եղբոր՝ Ալեքսանդր Սարգսյանի հաշիվների վրա դրված կալանքի մասին և շեշտեց, որ քննության արդյունքում կորոշվի, թե ինչ պետք է լինի այդ գումարների ճակատագիրը։
Մանրամասները՝ տեսանյութում։
