14.12.2024 | 19:57
Ինչ իրավիճակ է ճանապարհներին 19։35-ի դրությամբ
ՄԻԵԴ-ը ՀՀ կառավարությանը պարտավորեցրել է 52.000 եվրո վճարել Աշոտ Գուլյանին՝ «Գուլյանն ընդդեմ Հայաստանի» գործով
Հասարակություն
20.09.2018 | 15:10
ՄԻԵԴ-ը հրապարակել է ևս մեկ վճիռ «Գուլյանն ընդդեմ Հայաստանի» գործով, որով պարտավորեցրել է Հայաստանի կառավարությանը որպես փոխհատուցում 50.000 եվրո վճարել հայցվորին, ինչպես նաև 2000 եվրո՝ որպես ծախսերի փոխհատուցում:
Աշոտ Գուլյանը հայցը ներկայացրել էր 2012թ-ին՝ պնդելով, որ իր որդու՝ 30-ամյա Լևոն Գուլյանի մահը ոստիկանական բաժանմունքում կյանքի նրա իրավունքի խախտում է եղել:
Դատարանը վճռել է, որ կառավարությունը չի տրամադրել բավարար և համոզիչ բացատրություն կալանքի տակ գտնվելու ժամանակ Գուլյանի մահվան վերաբերյալ և գտել է, որ տեղի է ունեցել Մարդու իրավունքների և հիմնարար ազատությունների պաշտպանության մասին կոնվենցիայի՝ կյանքի իրավունքի վերաբերյալ 2-րդ հոդվածի խախտում:
