26.05.2026 | 13:27
Հարի Քեյնը կարժանանա «Ոսկե խաղակոշիկին»․ անգլիացու բոլոր գոլերը՝ մեկ տեսաշարով․ ՏԵՍԱՆՅՈՒԹ
Թուրքիան երբեք թույլ չի տա, որ Սիրիան նորից մասնատվի. Էրդողան
Քաղաքականություն
10.12.2024 | 22:29
Թուրքիայի նախագահ Ռեջեփ Թայիփ Էրդողանը իր ղեկավարած «Արդարություն ու զարգացում» կուսակցության նահանգային ղեկավարների հանդիպման ժամանակ կրկին անդրադարձել է Սիրիայում ստեղծված նոր իրավիճակին, գրում է Անադոլու գործակալությունը։
«Մենք հավատում և աղոթում ենք, որ Բաասի բռնապետությունից 61 տարի անց, որը լիովին մութ էր վերջին 13 տարիների ընթացքում, Սիրիան կտեսնի ավելի պայծառ օրեր։ Սիրիայի ժողովուրդը հաղթանակով պսակեց վեհ ապստամբությունը, որում նա պահանջեց իր ազատությունը, իրավունքները, օրենքը և ապագան՝ տապալելով տասնամյակներ տևած ճնշումների համակարգը։ Այսուհետ մենք չենք կարող թույլ տալ, որ Սիրիան նորից մասնատվի։ Մենք երբեք չենք կարողանա համաձայնել, որ երկրի տարածքը կրկին դառնա հակամարտության գոտի»,- ասել է Էրդողանը։
Նա հույս է հայտնել, որ «Սիրիայում և երկրի այլ շրջաններում ԻԼԻՊ-ի և PKK/PYD-ի նման ահաբեկչական կազմակերպությունները հնարավորինս շուտ կջախջախվեն»։
«Ցանկացած հարձակում սիրիացի ժողովրդի ազատության, նոր վարչակազմի կայունության և նրա հողերի ամբողջականության վրա կառաջացնի մեր հակազդեցությունը»,- հայտարարել է Թուրքիայի նախագահը։
Թարգմանությունը՝ Էմմա Չոբանյանի
