08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՀՌՀ-ն հանրային արձագանքման նոր գործիք է առաջարկում
10.12.2024 | 17:07
Հեռուստատեսության և ռադիոյի հանձնաժողովը ս.թ. դեկտեմբերի 10-ից իր պաշտոնական կայքում առաջարկում է «Դիմում-բողոք» նոր ծառայությունը, որի նպատակն է ապահովել ավելի ընդլայնված ու փաստարկված հանրային ներգրավվածությունն ու վերահսկողությունը հեռարձակվող տեսալսողական բովանդակության հանդեպ։
«Հանձնաժողովն ակնկալում է, որ ՀՀ քաղաքացիները, հասարակական և մասնագիտական կազմակերպությունները, զանգվածային լրատվամիջոցները, պետական և մասնավոր հաստատությունները, համագործակցելով կարգավորող մարմնի հետ, կնպաստեն անվտանգ, մարդու հիմնարար ազատությունները հարգող մեդիա համակարգի ձևավորմանը։
Հանձնաժողովը բարձր է գնահատում հանրային արձագանքման մշակույթի կատարելագործումը և հորդորում է անտարբեր չմնալ ատելության և թշնամանքի խոսք պարունակող, անչափահասների վրա բացասական ազդեցություն թողնող, հատուկ կարիքներ ունեցողների իրավունքները խախտող բովանդակության, բռնության կոչերի և օրենսդրությունը խախտող այլ երևույթների հանդեպ, որոնք կարող են հնչել հանրային մուլտիպլեքսում, մալուխային ցանցերում կամ ռադիո հաճախականություններով հեռարձակվող հեռուստառադիոծրագրերում»,- ասված է ՀՌՀ-ի տարածած հաղորդագրությունում։
Նշվում է, նաև, որ բողոք-դիմումները պետք է հիմնված լինեն փաստերի վրա։ Հանձնաժողովը նաև խնդրում է առցանց դիմումը լրացնելիս նկատի ունենալ կարգավորման այն շրջանակը, որում գործում է կարգավորող մարմինը:
