26.05.2026 | 15:37
Իրանը հայտարարել է ամերիկյան ԱԹՍ-ի խոցման մասին և զգուշացրել՝ հրադադարի խախտումներին խիստ պատասխան կտրվի
Էրդողանը ՆԱՏՕ-ի գլխավոր քարտուղարի հետ Սիրիայում վերջին զարգացումներն է քննարկել
Քաղաքականություն
10.12.2024 | 17:25
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՆԱՏՕ-ի գլխավոր քարտուղար Մարկ Ռյուտեի հետ։ Թուրքիայի նախագահականի հաղորդմամբ՝ քննարկվել են Սիրիայում վերջին զարգացումները։
«Զրույցի ընթացքում նախագահ Էրդողանը հայտարարել է, որ Թուրքիան Սիրիայում քաղաքացիական պատերազմի առաջին իսկ օրվանից հանդես է եկել Սիրիայի տարածքային ամբողջականության և կայունության պահպանման օգտին, որ սիրիացի ժողովուրդը պետք է կառավարի Սիրիան, և որ Թուրքիան կշարունակի անել ամեն ինչ՝ միասնական և ահաբեկչությունից զերծ Սիրիայի ստեղծման համար»,- ասվում է հաղորդագրության մեջ։
Զրույցի այլ մանրամասներ չեն հաղորդվում։
Թարգմանությունը՝ Էմմա Չոբանյանի
