08.10.2026 | 20:43
Իսրայելն Ադրբեջանում արևմտյան չափանիշներով զենքի արտադրման գործարան է բացել
Նոյեմբերին ռուսների առաջխաղացումը նկատելիորեն արագացել է. UA War Infographics
Քաղաքականություն
10.12.2024 | 10:47
Ուկրաինական UA War Infographics նախագիծը հրապարակել է ռուսական զորքերի առաջխաղացման ևս մեկ գրաֆիկական պատկեր, որում նշվում է, որ ռուսները նոյեմբերին գրավել են 702 կմ² տարածք։
UA War Infographics-ը իր գծապատկերները կառուցում է՝ հիմնվելով War Mapper նախագծի տվյալների վրա։ Ըստ այդմ՝ նոյեմբերին ռուսները գրավել են 4,7 անգամ ավելի մեծ տարածք, քան ամբողջ 2023 թվականին։
Պատերազմի ուսումնասիրման ամերիկյան ինստիտուտի (ISW) գնահատականների համաձայն՝ 2024 թվականի նոյեմբերի 1-ից նոյեմբերի 25-ը ռուսական զորքերը գրավել են 574 կմ² Ուկրաինայի տարածքից, այսինքն՝ առաջխաղացման միջին արագությունը կազմել է 22 կմ² օրական։ Reuters-ի գնահատականներով՝ նոյեմբերի 1-ից նոյեմբերի 28-ը ռուսական բանակը գրավել է ավելի քան 600 կմ² ։
Համաձայն UA War Infographics գրաֆիկի՝ 2024 թվականի սկզբից ռուսները գրավել են 2800 կմ², կամ Ուկրաինայի միջազգայնորեն ճանաչված տարածքի 0,46%-ը։
Թարգմանությունը՝ Տաթև Ֆռանգյանի
