17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
ՌԴ-ն Ուկրաինային է հանձնել Իլ-76-ի կործանման ժամանակ զոհված ռազմագերիների մարմինները
Քաղաքականություն
09.12.2024 | 16:24
Ռուսաստանն Ուկրաինային է հանձնել Իլ-76 ինքնաթիռի կործանման ժամանակ զոհված ռազմագերիների մարմինները։ Այս մասին ՌԻԱ Նովոստիին հայտնել է ՌԴ օմբուդսմեն Տատյանա Մոսկալկովան։
«Դրանք փոխանցվել են։ Դա տեղի ունեցավ, ես ներկա էի»,- ասել է Մոսկալկովան, փոխանցում է BBC-ի ռուսական ծառայությունը:
Իլ-76 ինքնաթիռը խոցվել էր Բելգորոդի շրջանում 2024 թվականի հունվարի 24-ին։ Ինքնաթիռում եղել է 65 ուկրաինացի ռազմագերի, անձնակազմի վեց անդամ և երեք ուղեկցող անձ։ Բոլորը մահացել են։
ՌԴ Պաշտպանության նախարարությունն այն ժամանակ հայտարարել էր, որ Իլ-76-ը խոցվել է «Խարկովի մարզի Լիպցի գյուղի մերձակայքում գտնվող զենիթահրթիռային համակարգից արձակված երկու հրթիռով»։
Ուկրաինայի Պաշտպանության նախարարությունն իր հերթին հայտարարել է, որ Կիևը տեղեկացված չի եղել գերիների տեղափոխման երթուղու և ձևի մասին՝ ընդգծելով, որ «30 կիլոմետրանոց մարտական գոտում տրանսպորտային ինքնաթիռի վայրէջքը չէր կարող անվտանգ լինել»։
Թարգմանությունը՝ Տաթև Ֆռանգյանի
