08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իրանը հրաժարվել է օգնել Ասադին, երբ զինյալները մոտեցել են Դամասկոսին․ WSJ
Քաղաքականություն
09.12.2024 | 16:12
Իրանի իշխանությունները հակակառավարական ուժերի հարձակման պատճառով հրաժարական տված Սիրիայի նախագահ Բաշար Ասադին մեղադրել են իսլամիստական խմբավորումներին դիմակայելուն անպատրաստ լինելու մեջ, այնուհետև հրաժարվել են համալրում ուղարկել, գրում է The Wall Street Journal-ը (WSJ)՝ վկայակոչելով սիրիացի պաշտոնյաներին:
Ըստ WSJ-ի՝ Իրանն ի սկզբանե Սիրիային փոխանցել է, որ Բաշար Ասադի կառավարությանն օգնությունը «կսահմանափակվի, եթե այն հասնի»։ Սակայն ավելի ուշ Թեհրանը հայտարարել է, որ Իսրայելի սպառնալիքի պատճառով չի կարող Դամասկոս ուղարկել ռազմական ուժեր։ Ըստ պարբերականի զրուցակիցների՝ անցյալ շաբաթ Սիրիա մեկնող իրանական ինքնաթիռը շրջվել է իսրայելական ավիահարվածների սպառնալիքի պատճառով։
WSJ-ը գրում է, որ օգնություն ցուցաբերելու փոխարեն՝ Իրանի իշխանություններն Իսլամական հեղափոխության պահապանների կորպուսին հրահանգել են «չմիջամտել մարտերին», այնուհետև կազմակերպել են անձնակազմի անվտանգ դուրսբերումը երկրից։
Ըստ լրատվամիջոցների՝ Իրանը սկսել է Սիրիայից դուրս բերել իր դիվանագետներին ու ռազմական խորհրդատուներին դեռևս Դամասկոսի՝ զինյալների վերահսկողությանն անցնելուց առաջ։ Մասնավորապես, դուրս են բերվել Իսլամական հեղափոխության պահապանների կորպուսի կազմում գտնվող «Քուդս» ուժերի բարձրաստիճան հրամանատարները, ինչպես նաև Իրանի դիվանագիտական առաքելության անձնակազմն ու նրանց ընտանիքների անդամները:
Թարգմանությունը՝ Տաթև Ֆռանգյանի
