09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
Զելենսկին հայտնել է, որ պատերազմի սկզբից ի վեր Ուկրաինան 43 հազար զինվորական է կորցրել
Քաղաքականություն
09.12.2024 | 15:27
Ուկրաինայի նախագահ Վլադիմիր Զելենսկին հայտարարել է, որ լայնամասշտաբ պատերազմի սկզբից ի վեր Ուկրաինան կորցրել է 43 հազար զինվորական, ևս 370 հազար մարդ վիրավորվել է, գրում է BBC-ի ռուսական ծառայությունը։
Միաժամանակ, Զելենսկին սոցցանցերում գրել է, որ «վիրավորների մոտ 50 տոկոսը վերադառնում է ծառայության, գրանցվում են բոլոր վերքերը, մասնավորապես, թեթև ու կրկնվող»։ Ըստ Զելենսկիի՝ Ռուսաստանը կորցրել է 198 հազար զինվորական, ավելի քան 550 հազարը վիրավորվել է։
Ուկրաինայի նախագահի այս հայտարարություններից առաջ ԱՄՆ նորընտիր նախագահ Դոնալդ Թրամփը գրել էր, որ Ուկրաինան մարտի դաշտում կորցրել է 400 հազար զինվորական, իսկ ռուսական կողմից սպանվածների և վիրավորների թիվը գնահատել էր 600 հազար մարդ։
Թրամփը շաբաթ հանդիպել է Զելենսկիի հետ։ Ֆրանսիայի նախագահ Էմանուել Մակրոնի մասնակցությամբ նրանց բանակցությունները տեղի են ունեցել Փարիզում՝ վերականգնված Աստվածամոր տաճարի բացման արարողության ժամանակ։ Բանակցություններից հետո Թրամփը կոչ է արել հնարավորինս շուտ սկսել Ուկրաինայում խաղաղության բանակցությունները։
Թարգմանությունը՝ Տաթև Ֆռանգյանի
