6 ամիս առաջ Անկարան տվել է իր համաձայնությունը․ սիրիացի ապստամբներն իրենց հարձակումը համակարգել են Թուրքիայի հետ․ Reuters

Լուրեր

20.11.2026 | 14:44
Էդ խեղճ «ստնտուկները» ի՞նչ են արել, որ ուզում եք պատժել. Տարոն Չախոյանը` Նարեկ Կարապետյանին․ ՏԵՍԱՆՅՈՒԹ
20.11.2026 | 14:41
Դոնալդ Տուսկը Լեհաստանի օդային տարածքի խախտման կապակցությամբ արտակարգ խորհրդակցություն է հրավիրել
20.11.2026 | 14:32
Հրդեհի վտանգի պատճառով փակվել են «Ֆլեշ»-ի և «Կամօյլ»-ի լցակայանները, Մրգաշատում ապամոնտաժվել է գազի պահեստարան
20.11.2026 | 14:26
Գյումրիում և Ամասիայում հայտնաբերվել են ինքնաձիգներ, ատրճանակներ, նռնակներ և մեծ քանակությամբ զինամթերք
20.11.2026 | 14:20
Ալեքսանդր Օվեչկինի ռեկորդն ու հակառեկորդը «Վաշինգտոն Քեփիթալզում». ՏԵՍԱՆՅՈՒԹ
20.11.2026 | 14:14
Աննա Գրիգորյանի ճեպազրույցը՝ ՈւՂԻՂ
20.11.2026 | 14:12
Սպիտակ տունը պաշտոնանկ է արել կիբերանվտանգության ծառայության տնօրենին՝ համակարգերում լայնածավալ խափանումների պատճառով
20.11.2026 | 14:05
Սոնա Ղազարյանը ելույթն իրարանցում առաջացրեց. «Մեկ նպատակ ունեք` հարստանալու»․ ՏԵՍԱՆՅՈՒԹ
20.11.2026 | 14:00
«Ստնտուկ»-ի որոնումների ռեկորդ՝ Google-ում․ որտեղից ծնվեց հայերենում գոյություն չունեցող բառը
20.11.2026 | 13:56
«Եվրոպական եռյակի» ներկայացուցիչների այցը ՌԴ քննարկվում է․ Ռյաբկով
20.11.2026 | 13:47
Փաշինյանին հեռացնելու 100 տոկոսանոց հնարավորություն ունեք. Ռուբինյան․ ՏԵՍԱՆՅՈՒԹ
20.11.2026 | 13:45
Սահմանադրության նախագիծը կհրապարակվի երկուշաբթի․ Փաշինյան. ՏԵՍԱՆՅՈՒԹ
20.11.2026 | 13:40
Հայաստանի հավաքականի բռնցքամարտիկները մրցաշարի կմասնակցեն Լեհաստանում
20.11.2026 | 13:32
Վարչապետը հայ ժողովրդին երբեք չի խաբել, սուտ է ասում Աբրահամյանը. Սոնա Ղազարյան․ ՏԵՍԱՆՅՈՒԹ
20.11.2026 | 13:24
Հաքերները գողացել են Visa-ի, Mastercard-ի և Chase բանկի հաճախորդների տվյալները․ NYP
Բոլորը

13 տարվա քաղաքացիական պատերազմից հետո Սիրիայի ընդդիմադիր զինյալները հնարավորություն են տեսել՝ թուլացնել նախագահ Բաշար Ասադի իշխանությունը, երբ մոտ վեց ամիս առաջ նրանք տեղեկացրել են Թուրքիային խոշոր հարձակման պլանների մասին և զգացել, որ ստացել են նրա լուռ հավանությունը: Այս մասին Reuters-ին հայտնել են իրազեկ երկու աղբյուրները։

Ընդամենը երկու շաբաթ առաջ մեկնարկած օպերացիան արագորեն հասավ իր սկզբնական նպատակին․ գրավելով Սիրիայի երկրորդ քաղաքը՝ Հալեպը, զինյալները զարմացրեցին գրեթե բոլորին: Այնտեղից ընդամենը մեկ շաբաթվա ընթացքում ապստամբների դաշինքը հասավ Դամասկոս և կիրակի վերջ դնեց Ասադների ընտանիքի՝ հինգ տասնամյակ տևած կառավարմանը:

Ապստամբները ոչ մի կերպ չէին կարող առաջ գնալ՝ առանց նախապես տեղյակ պահելու Թուրքիային, որը պատերազմի առաջին օրերից սիրիական ընդդիմության հիմնական աջակիցն է, ասել են աղբյուրները՝ տարածաշրջանում մի դիվանագետ և սիրիական ընդդիմության անդամ։

Թուրքիան զորքեր ունի Սիրիայի հյուսիս-արևմուտքում և աջակցում է որոշ ապստամբների, որոնք մտադիր էին մասնակցել գործողությանը, այդ թվում՝ Սիրիայի ազգային բանակին (SNA), թեև դաշինքի հիմնական խմբավորումը՝ Հայաթ Թահրիր ալ-Շամը (HTS), համարում է ահաբեկչական խմբավորում: Ապստամբների համարձակ ծրագիրը HTS-ի և նրա առաջնորդ Աբու Մուհամեդ ալ-Ջուլանիի մտահղացումն էր, ասել է դիվանագետը: Ալ-Քաիդայի հետ իր նախկին կապերի պատճառով Ջուլանին Վաշինգտոնի, Եվրոպայի և Թուրքիայի կողմից ճանաչվել է որպես ահաբեկիչ:

Լրատվամիջոցը նշում է, որ Թուրքիայի նախագահ Ռեջեփ Թայիփ Էրդողանի կառավարությունը, որը 2020 թվականին համաձայնություն է ձեռք բերել Ռուսաստանի հետ՝ Սիրիայի հյուսիս-արևմուտքում մարտերը թուլացնելու համար, երկար ժամանակ դեմ է եղել ապստամբների նման խոշոր հարձակմանը՝ վախենալով, որ դա կհանգեցնի փախստականների նոր ալիքի, որոնք կհատեն Թուրքիայի սահմանը:

Աղբյուրները նշել են, որ ապստամբները զգացել են Անկարայի կարծրացող դիրքորոշումը Ասադի նկատմամբ այս տարվա սկզբին այն բանից հետո, երբ նա  մերժել է Էրդողանի բազմաթիվ փորձերը՝ քաղաքական ճանապարհով լուծել ռազմական փակուղին։ Սիրիական ընդդիմության աղբյուրը հայտնել է, որ ապստամբները Թուրքիային ցույց են տվել պլանավորման մանրամասներն այն բանից հետո, երբ Անկարայի կողմից Ասադին սիրաշահելու փորձերը ձախողվել են:

«Այդ ճանապարհը տարիներ շարունակ չի աշխատում, այնպես որ՝ փորձեք մերը: Ոչինչ պետք չէ, որ դուք անեք, պարզապես մի միջամտեք»,- ասվել է ուղերձում։

Թուրքիայի արտաքին գործերի և պաշտպանության նախարարությունները ուղղակիորեն չեն պատասխանել Reuters-ի հարցերին Հալեպի գործողության վերաբերյալ HTS-Անկարա փոխըմբռնման վերաբերյալ: Ի պատասխան Թուրքիայի՝ գործողության մասին տեղյակ լինելու մասին հարցերին, թուրք պաշտոնյան Reuters-ին ասել է՝ HTS-ը «մեր կողմից հրամաններ կամ հրահանգներ չի ստանում և չի համակարգում իր գործողությունները մեզ հետ»:

Պաշտոնյան ասել է, որ «այդ առումով» սխալ կլինի ասել, որ Հալեպի գործողությունն իրականացվել է Թուրքիայի հավանությամբ կամ կանաչ լույսով։ Թուրքիայի լրտեսական գործակալությունը անմիջապես չի պատասխանել մեկնաբանության խնդրանքին։ Reuters-ին չի հաջողվել կապ հաստատել նաև HTS-ի ներկայացուցչի հետ:

Ամերիկացի պաշտոնյան անանուն մնալու պայմանով ասել է, որ թեև Վաշինգտոնը տեղյակ է եղել ապստամբներին Թուրքիայի ընդհանուր աջակցության մասին, սակայն չի տեղեկացվել Հալեպի վրա հարձակման վերաբերյալ թուրքական լուռ հավանության մասին:

Թարգմանությունը՝ Էմմա Չոբանյանի