13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Իսրայելը բացատրել է Սիրիա ներխուժման պատճառը
Քաղաքականություն
09.12.2024 | 12:50
Իսրայելի պաշտպանության բանակն ընդլայնում է անվտանգության գոտին Գոլանի բարձունքների սիրիական հատվածում, Telegram-ում գրառմամբ տեղեկացրել է Իսրայելի վարչապետի գրասենյակի խորհրդական Դմիտրի Գենդելմանը։
«Իսրայելը շարունակում է ընդլայնել վերահսկողությունը Հերմոն լեռան և հարակից տարածքների սահմանազատման գոտու և այլ ռազմավարական կետերի նկատմամբ: Սպառնալիքները չեզոքացնելու և տեղական դրուզների ու այլ համայնքների հետ կապեր հաստատելու համար Իսրայելը սահմանազատման գոտուց դուրս անվտանգության լրացուցիչ գոտի է ստեղծում»,- գրել է Գենդելմանը։
Նա հավելել է, որ Իսրայելը կշարունակի գործողություններ ձեռնարկել՝ ուղղված Սիրիայում ռազմավարական և ծանր սպառազինությունների ոչնչացմանը և կճնշի Իրանից Լիբանան զենքի մատակարարումը վերականգնելու ցանկացած փորձ։
Իսրայելի ցամաքային ուժերը 1973 թվականից ի վեր առաջին անգամ բացահայտորեն ներխուժել են Սիրիայի տարածք՝ հատելով ապառազմականացված սահմանային գոտին։
Թարգմանությունը՝ Տաթև Ֆռանգյանի
