09.09.2026 | 11:33
Ցինիկ հարցադրումներ է կատարում, որևէ հարցի չեմ պատասխանելու․ Մանավազյանը՝ Էդգար Ղազարյանին․ ՏԵՍԱՆՅՈւԹ
Իսրայելական բանակը 50 տարվա մեջ առաջին անգամ ներխուժել է Սիրիա
Քաղաքականություն
09.12.2024 | 10:23
Իսրայելի ցամաքային ուժերը 1973 թվականից ի վեր առաջին անգամ բացահայտորեն ներխուժել են Սիրիայի տարածք՝ հատելով ապառազմականացված սահմանային գոտին, գրում է The New York Times-ը՝ վկայակոչելով երկու պաշտոնյաների։
Բանակի շտաբի պետ, գեներալ-լեյտենանտ Հերզի Հալևին ասել է, որ Իսրայելը «զորքեր է տեղակայել Սիրիայի տարածքում»՝ հաստատելով, որ զինվորականները դուրս են եկել Գոլանի բարձունքներում ապառազմականացված բուֆերային գոտուց: Խոսելով Գոլանիի բրիգադի նորակոչիկների հետ՝ Հալևին ասել է, որ Իսրայելի պաշտպանության բանակն այժմ կռիվ է մղում չորս ճակատում՝ Հորդանան գետի Արևմտյան ափին, Գազայի հատվածում, Լիբանանում և այսուհետ նաև` Սիրիայում:
Միևնույն ժամանակ, Իսրայելի պաշտպանության բանակը հայտարարել է ցամաքային և օդային ուժերը Գոլանի բարձունքների հատվածում տեղակայելու մասին՝ «հաշվի առնելով իրավիճակը և պաշտպանությունն ուժեղացնելու համար»։
Հայտարարության մեջ Իսրայելի պաշտպանության բանակը նշել է, որ բանակը ուժեր է տեղակայել «բուֆերային գոտում և իր պաշտպանության համար անհրաժեշտ մի քանի այլ վայրերում», սակայն մտադիր չէ միջամտել Սիրիայում ներքին գործերին:
Հիշեցնենք, որ Իսրայելի սահմանակից Սիրիայում տապալվել է Բաշար ալ-Ասադի վարչակարգը, որը կառավարում էր 25 տարի։ Նրան ընդդիմադիր ուժերը մտան Դամասկոս, իսկ ինքը՝ Ասադը, փախավ երկրից և, ինչպես հաղորդում է ռուսական պետական գործակալությունը՝ հղում անելով Կրեմլի աղբյուրին, ժամանել է Մոսկվա։
Իսրայելի վարչապետ Բենիամին Նեթանյահուն ասել է, որ Ասադի վարչակարգի տապալումը Իսրայելի հարվածների արդյունքն է։ «Մենք խաղաղության ազդանշան ենք ուղարկում Սիրիայի մեր սահմանից այն կողմ բոլորին՝ քրդերին, քրիստոնյաներին և մահմեդականներին, որոնք ցանկանում են խաղաղ ապրել Իսրայելի հետ», – ասել է նա:
