16.07.2026 | 15:02
2026-ի առաջին կիսամյակում Հայաստանում օձերի հայտնաբերման վերաբերյալ կանչերի թիվն աճել է 13.3 տոկոսով
«Քրեակատարողական բժշկության կենտրոնում» ֆինանսական գնահատում դեռ չի արվել․ Կառավարությունը հետաձգեց կենտրոնի աշխատանքների մեկնարկը
Հասարակություն
20.09.2018 | 12:59
ՀՀ կառավարության 2018 թվականի մարտի 1-ի N 204-Ն որոշմամբ ստեղծվել է «Քրեակատարողական բժշկության կենտրոն» պետական ոչ առևտրային կազմակերպությունը, որի գործունեության առարկան ՀՀ արդարադատության նախարարության քրեակատարողական հիմնարկներում պահվող կալանավորված անձանց և դատապարտյալների առողջության պահպանումը և վերականգնումն է։
«Քրեակատարողական բժշկության կենտրոնի» գործունեության նպատակը ՀՀ արդարադատության նախարարության քրեակատարողական հիմնարկներում պահվող կալանավորված անձանց և դատապարտյալներին պատշաճ բժշկական օգնության և սպասարկման ծառայությունների մատուցումն է:
Քանի որ այս ՊՈԱԿ-ի գործունեության համար անհրաժեշտ է ապահովել նյութատեխնիկական բոլոր պայմանները, բարձրացնել բժշկական անձնակազմի աշխատավարձերի սահմանաչափերը, որպեսզի ստեղծվեն բժշկական անձնակազմի համար աշխատանքային ավելի բարենպաստ և գրավիչ պայմաններ, իսկ համապատասխան ֆինանսական միջոցների առավել մանրամասն գնահատում դեռ չի կատարվել, ոստի Կառավարությունը հետաձգեց բժշկական կենտրոնի աշխատանքների մեկնարկը։
Այս տարվա սեպտեմբերի 1-ից աշխատելու փոխարեն կենտրոնը կաշխատի 2019 թվականի հունվարի 15-ից:
