21.01.2026 | 23:30
Ինչ իրավիճակ է Հայաստանի ճանապարհներին և Լարսում
Կառավարությունը մեկ տարով երկարաձգեց հին նմուշի անձնագրերի տրամադրման ժամկետը․ ՏԵՍԱՆՅՈՒԹ
Քաղաքականություն
20.09.2018 | 12:45
ՀՀ կառավարության այսօրվա նիստում գործադիրի անդամները հաստատեցին «ՀՀ քաղաքացու անձնագրի մասին» և «Նույնականացման քարտերի մասին» ՀՀ օրենքներում փոփոխություններ կատարելու մասին նախագծերը:
Նախագծերը գործադիրի անդամներին ներկայացնող ոստիկանապետ Վալերի Օսիպյանը նշեց, որ ներկայացված օրինագծերով «ՀՀ քաղաքացու անձնագրի մասին» և «Նույնականացման քարտերի մասին» ՀՀ օրենքներում առաջարկվում է կատարել փոփոխություններ նպատակ ունենալով ՀՀ կառավարության 1998 թվականի դեկտեմբերի 25-ի թիվ 821 որոշմամբ նախատեսվա,՝ այսպես կոչված, հին նմուշի անձնագրերի տրամադրման ժամկետը երկարաձգել՝ 2019թ-ի հունվարի 1-ի փոխարեն սահմանելով մինչև 2021 թվականի հունվարի 1-ը: Օսիպյանի խոսքով՝ փոփոխությունը հնարավորություն կտա մինչև կենսաչափական անձնագրերի համակարգի նոր մատակարար ընկերության կողմից լիարժեք շահագործումը ապահովել ՀՀ քաղաքացիների անձը հաստատող փաստաթղթերի տրամադրման գործընթացը:
Նախագծի ընդունման հետ կապված առարկություններ ներկայացրեց փոխվարչապետ Մհեր Գրիգորյանը՝ առաջարկելով ժամկետները կրճատել և երկու տարվա փոխարեն սահմանել վեց ամիս ժամկետ:
Վարչապետ Փաշինյանն էլ հորդորեց կանգ առնել մեկ տարի ժամկետի վրա:
Մանրամասները՝ տեսանյութում:
