03.04.2026 | 23:13
NASA-ն հրապարակել է Երկրի նոր լուսանկարը
Բայրամովը խոսել է ԵԱՀԿ Մինսկի խմբի վերացման անհրաժեշտության մասին
Քաղաքականություն
05.12.2024 | 18:30
Ադրբեջանի ԱԳ նախարար Ջեյհուն Բայրամովը ԵԱՀԿ Նախարարների խորհրդի 31-րդ նիստի շրջանակում Ֆինլանդիայի արտաքին գործերի նախարար Էլինա Վալտոնենի հետ հանդիպմանը քննարկել է Ադրբեջանի և Ֆինլանդիայի միջև համագործակցության հեռանկարները, հաջորդ տարի ԵԱՀԿ-ում Ֆինլանդիայի նախագահությունից բխող հարցեր, «ինչպես նաև հետհակամարտային շրջանում տարածաշրջանում առկա իրավիճակը»։
Ադրբեջանական կողմի հաղորդմամբ՝ անդրադարձ է եղել նաև Հայաստան-Ադրբեջան հարաբերություններին ու տարածաշրջանում տիրող իրավիճակին։
«Ֆիննական կողմը մանրամասն տեղեկացվել է նաև հետհակամարտային շրջանում տարածաշրջանում տիրող իրավիճակի և իրողությունների, ականների սպառնալիքի դեմ պայքարի, ինչպես նաև Ադրբեջանի և Հայաստանի միջև հարաբերությունների կարգավորման օրակարգի մասին։ Նշվել է, որ թեև խաղաղության պայմանագրի բազմաթիվ դրույթներ արդեն համաձայնեցված են, առաջընթաց է արձանագրվել նաև սահմանազատման հարցում, մեր երկրի նկատմամբ տարածքային պահանջների շարունակմամբ Հայաստանի Սահմանադրությունը և այլ օրենսդրական ակտերը խոչընդոտներ են ստեղծում գործընթացի համար»,- ասվում է ադրբեջանական կողմի հայտարարությունում։
Բայրամովը հերթական անգամ խոսել է նաև ԵԱՀԿ Մինսկի խմբի լուծարման մասին։
«Նշվել է ԵԱՀԿ ինստիտուտների վերացման կարևորությունը, որոնք նախկին հայ-ադրբեջանական հակամարտության մնացորդներ են, կորցրել են իրենց արդիականությունը կազմակերպության գործունեության արդյունավետության տեսանկյունից»,- ասվում է հաղորդագրության մեջ։
Թարգմանությունը՝ Էմմա Չոբանյանի
