08.10.2026 | 16:21
Հայտնի է՝ ինչու է Արթուր Ալեքսանյանը բաց թողնելու աշխարհի առաջնությունը
Հայաստանի ինքնիշխան իրավունքն է․ Լավրովը՝ ՀԱՊԿ-ից ՀՀ-ի դուրս գալու մասին
Քաղաքականություն
05.12.2024 | 17:18
ՌԴ արտաքին գործերի նախարար Սերգեյ Լավրովը Հավաքական անվտանգության պայմանագրի կազմակերպությունից (ՀԱՊԿ) դուրս գալու՝ Հայաստանի ցանկությունն ինքնիշխան որոշում է անվանել ու նշել է, որ ոչ ոք չի փակում կազմակերպության դուռը Երևանի համար, գրում է ՌԻԱ Նովոստին։
«Նման փաստաթուղթ չի ստացվել [ՀԱՊԿ-ից Հայաստանի դուրս գալու մասին]։ Մենք լսել ենք այդ խոսակցությունները։ Հայաստանի վարչապետը խորհրդարանում շատ է խոսել այդ թեմայով, քննարկել։ Մենք որևէ մեկին ոչինչ չենք պարտադրում։ Սակայն համոզված ենք, որ Հայաստանի շահերից է բխում՝ առավելագույնս օգտագործել ՀԱՊԿ-ին անդամակցությունը։ Եթե որոշում կայացվի, ինչի մասին նա խոսում է որպես կանխորոշված, դա կլինի Հայաստանի ներկայիս ղեկավարության ինքնիշխան իրավունքը»,- ԵԱՀԿ նախարարների խորհրդի նիստից հետո լրագրողներին ասել է Լավրովը։
Ըստ նրա՝ «Ռուսաստանն ու ՀԱՊԿ մյուս անդամները չեն ձեռնարկել և չեն պատրաստվում ձեռնարկել որևէ գործողություն, որը կընկալվի որպես Երևանի համար կազմակերպության դռների փակում»։
ՀՀ վարչապետ Նիկոլ Փաշինյանը նախօրեին հայտարարել է, որ Հայաստանի վերադարձը ՀԱՊԿ գնալով դժվարանում է, եթե ոչ անհնար դառնում։ Նրա խոսքով՝ «անդառնալիության կետն անցել ենք»։
Թարգմանությունը՝ Էմմա Չոբանյանի
