04.04.2026 | 11:55
Երևանի Կենտրոն վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Կանցլերի թեկնածու Ֆրիդրիխ Մերցը դեմ է Ուկրաինա գերմանական զորքեր ուղարկելուն
Քաղաքականություն
05.12.2024 | 16:56
Մինչ Գերմանիայում նախընտրական քարոզարշավը թեժանում է Բունդեսթագի արտահերթ ընտրությունների նախաշեմին, երկրում քաղաքական կուսակցությունները վիճաբանում են Ուկրաինայի դեմ ռուսական ագրեսիվ պատերազմին վերջ տալու հնարավոր ուղիների շուրջ, որը շարունակվում է գրեթե երեք տարի, գրում է DW-ի ռուսական ծառայությունը։
Քրիստոնեա-դեմոկրատական միության (ՔԴՄ) կանցլերի թեկնածու Ֆրիդրիխ Մերցը քննադատել է ԱԳ նախարար Անալենա Բերբոքի առաջարկները՝ կապված հրադադարի դեպքում Ուկրաինայում խաղաղությունը պահպանելու համար Բունդեսվերի զինվորների հնարավոր ներգրավման հետ։
ARD հեռուստաընկերության հաղորդման ժամանակ նա նման շահարկումներն այս պահին անպատասխանատու է անվանել։
«Ուկրաինայում պատերազմը շարունակվում է, Ռուսաստանը շարունակում է դաժանորեն գործել խաղաղ բնակչության նկատմամբ: Մենք բոլորս մտածում ենք՝ ինչպե՞ս վերջ տալ այս պատերազմին: Հարցն այն է, թե ինչպես կարող ենք հասնել դրան»,- ասել է Մերցը:
Թարգմանությունը՝ Տաթև Ֆռանգյանի
