05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ձեր խնամին Հայաստանի թիվ 1 տենդեռ շահող ընկերությունը չի՞․ Ալեքսանյան․ ՏԵՍԱՆՅՈՒԹ
Քաղաքականություն
05.12.2024 | 11:03
«Ձեր հետևում նստած պատգամավորին հարցրեք՝ Ձեր խնամին Հայաստանի թիվ 1 տենդեռ շահողը չի՞», -խորհրդարանում հայտարարեց ՔՊ խմբակցության պատգամավոր Վահագն Ալեքսանյանը՝ արձագանքելով «Հայաստան» խմբակցության պատգամավոր Աննա Գրիգորյանի մեղադրանքներին: Վերջինը, մասնավորապես, մեղադրում էր ՔՊ-ի պաշտոնյաներին՝ պնդելով , որ նրանց հետ փոխկապակցված անձինք մի քանի հարյուր միլիոն դրամի տենդերներ են շահել:
«Տենդերները մրցույթ են: Հայաստանում 2018-ից ի վեր այնքան նման մրցույթ է դրվում, որ դրանց շատ դեպքերում մասնակցող չի լինում, որովհետև բոլոր կազմակերպությունները զբաղված են: Եթե կա կոռուպցիա, կա կոնկրետ ինչ-որ բան, օրինակ՝ նախկինի պես գնացել, մեկին սպառնացել են, ասել են՝ կսպանենք, չգնաս, այդ տենդերին չմասնակցես, ինչ-որ մեկի որդուն են առևանգել, ասել են՝ չմասնակցես, կամ իրոք ինչ-որ մեկին տարել-սպանել են, ասեք դրա մասին: Խոստանում եմ, ինքս ձեր ասածի հետևից կգնամ, տիկին Գրիգորյան: Կներեք, հազար ներողություն, իմ ընտանիքը չի ստացել ՀԷԿ կառուցելու թույլտվություն, ձեր ընտանիքն է ստացել: Ես ՀԷԿ կսռուցելու ո՛չ թույլտվություն ունեմ, ո՛չ դիմել եմ, ո՛չ առհասարակ պատկերացնում եմ՝ խոսքն ինչ գումարների մասին է, ձեր ընտանիքն է ՀԷԿ կառուցելու թույլտվություն ստացել»,- ասաց Ալեքսանյանը:
Մանրամասները՝ տեսանյութում։
