26.05.2026 | 16:44
«Ինտեր Մայամին» տեղեկություն է հայտնել Մեսիի վնասվածքի վերաբերյալ
Ղարիբաշվիլին հերքել է «Վրացական երազանքից» հեռանալու մասին լուրերը
Քաղաքականություն
04.12.2024 | 13:01
Վրաստանի նախկին վարչապետ, երկրի իշխող «Վրացական երազանք» կուսակցության նախագահ Իրակլի Ղարիբաշվիլին հայտարարություն է տարածել՝ հերքելով կուսակցությունից հեռանալու մասին մամուլում տարածվող տեղեկությունները, հայտնում է Վրաստանի «Առաջին ալիքը»։
«Այսօր արմատական ընդդիմության կողմից վերահսկվող լրատվամիջոցները ստեր են տարածում, թե ես հեռացել եմ «Վրացական երազանքից»։ Այս ապատեղեկատվությունը նպատակ ունի մոլորեցնել հանրությանը և արհեստական ոգևորություն առաջացնել»,- ասվում է հայտարարության մեջ։
Նրա խոսքով՝ շարունակում է աշխատել իր պաշտոնում։
«Ցանկանում եմ ընդգծել, որ ես շարունակում եմ աշխատել որպես «Վրացական երազանքի» նախագահ, հանդիսանում եմ մեր թիմի անդամ, իսկ մնացյալ բոլոր տեղեկությունները չեն համապատասխանում իրականությանը»,- հայտարարել է Ղարիբաշվիլին:
Թարգմանությունը՝ Էմմա Չոբանյանի
