09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
Կոմպրոմիս չի լինելու, 32 վարորդի հեռացրել ենք աշխատանքից. Տիգրան Ավինյան
Հասարակություն
03.12.2024 | 23:45
Մենք խնդիր չենք ունեցել որևէ մեկին աշխատանքից հեռացնելու և գործող վարորդներին փոխարինելու: Այս մասին Հանրային հեռուստաընկերության եթերում ասաց քաղաքապետ Տիգրան Ավինյանը:
«Մեր միակ նպատակը եղել է այն, որ բարձրաձայնված խնդիրներին արդար լուծում տանք։ Այնուամենայնիվ, քանի որ որոշ վարորդներ, գուցե ընդդիմադիրների դրդմամբ, ուղղորդմամբ որոշեցին այս մեթոդին դիմել, ցավով եմ նշում` 32-ը աշխատանքից հեռացվել են: Շատ ցավով եմ նշում, քանի որ 32 աշխատակիցը 32 ընտանիք է»,- ասաց Ավինյանը` չպատասխանելով հարցին, թե ինչ սկզբունքով են ընտրվել տվյալ վարորդներն այն դեպքում, երբ գործադուլ անողներն ավելի շատ են:
Ավինյանը հավելեց նաև, որ այս անգամ որևէ կոմպրոմիս չի լինելու, բողոքի ակցիա անող վարորդները հենց այս պահից կարող են վերադառնալ աշխատանքի:
«Ովքեր ուզում են, թող վերադառնան աշխատանքի, ուրիշ առաջարկ չենք անելու»,- նշեց Տիգրան Ավինյանը։
