07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Սիրիայում գործողությունների դեմ բողոքի ցույց Թուրքիայում․ առնվազն 50 ցուցարար է ձերբակալվել
Քաղաքականություն
03.12.2024 | 20:32
Թուրքական ոստիկանությունը ցրել է նախօրեին Ստամբուլի Աշխատանքի, Խաղաղության և Ժողովրդավարության ուժերի բողոքի ցույցը Հալեպում Հայաթ Թահրիր ալ-Շամի (HTS) և Սիրիայի ազատ բանակի հետ կապված ջիհադիստական խմբավորումների հարձակումների դեմ, որոնք առաջ են շարժվում դեպի Համա և Շահբա քրդական բնակավայր, գրում է Duvar-ը։
Ոստիկանությունը շրջապատել է Բեյօղլու շրջանի Շիշհանե թաղամասում հավաքված մարդկանց և ձերբակալել առնվազն 50 ցուցարարի։
Քրդամետ «Ժողովուրդների հավասարություն և ժողովրդավարություն» (DEM) կուսակցության խոսնակ Այշեգյուլ Դողանը սոցցանցերում հայտնել է, որ ձերբակալվել են նաև Ստամբուլի իրենց նահանգային համանախագահները։
«Նրանք, որոնք վախենում են հակապատերազմական հավաքներից, հայտարարություններից, դեմոկրատական արձագանքներից և առարկություններից, պետք է իմանան, որ մեր ձայնն ավելի կբարձրանա և կուժեղանա՝ պաշտպանելու մարդկության արժեքները»,- ասել է նա։
Հիշեցնենք, որ Թուրքիայի աջակցությունը վայելող սիրիական ընդդիմադիր զինյալների դաշինքը, որը գլխավորում է իսլամիստական «Հայաթ Թահրիր ալ-Շամ»-ը (HTS), գրավել է Հալեպ քաղաքն ու շարունակում է առաջխաղացումը Սիրիայի տարածքում։
Թարգմանությունը՝ Էմմա Չոբանյանի
