09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
Ադրբեջանում բնակելի շենքերում պայթյուններ են տեղի ունեցել․ տուժածներ կան
Քաղաքականություն
03.12.2024 | 11:51
Ադրբեջանի Սումգայիթ քաղաքում բնակելի շենքի բնակարաններից մեկում պայթյուն է տեղի ունեցել։ Տեղական լրատվամիջոցները հայտնում են, որ դեկտեմբերի 3-ին՝ ժամը 06:40-ին, ահազանգ է ստացվել Արտակարգ իրավիճակների և շտապ բուժօգնության հանրապետական կենտրոնի թեժ գծին բնակարաններից մեկում տեղի ունեցած պայթյունի մասին։ Նախնական տվյալներով՝ միջադեպի հետևանքով տուժել է 3 մարդ (2 տղամարդ և 1 կին), որոնք հոսպիտալացվել են Սումգայիթի բժշկական կենտրոնի հիվանդանոց։
Տուժածներից մեկի վիճակը գնահատվում է ծանր, մյուսներինը՝ միջին ծանրության։
Համացանցում նաև արտակարգ պատահարից կադրեր են հրապարակվում։
Որոնողափրկարարական աշխատանքները շարունակվում են։ Փլատակներից դուրս է բերվել երեք մարդ։
Միաժամանակ, ԱԻՆ թեժ գծին տեղեկություն է ստացվել Ապշերոնի շրջանի Նովխանի բնակավայրում մասնավոր բնակելի տանը ժամը 08։10-ի սահմաններում տեղի ունեցած պայթյունի մասին։
Որոնողափրկարարական աշխատանքների արդյունքում փլատակներիից դուրս է բերվել երկու տուժած։ Նրանք (տղամարդ և կին) հոսպիտալացվել են Սումգայիթի հիվանդանոց։ Նրանց վիճակը ծանր է։
Ադրբեջանական լրատվամիջոցները հայտնում են, որ տուժածները հանգուցյալ ադրբեջանցի հայտնի շախմատիստ Վուգար Հաշիմովի ծնողներն են՝ Գասիմ և Աիդա Հաշիմովները։
Թարգմանությունը՝ Էմմա Չոբանյանի
