08.01.2025 | 13:53
Բացահայտվել է հանցագործության 125 դեպք, որոնցից 8-ը՝ նախկինում կատարված
Նոր թեկնածուներ․ ովքեր են ուզում Գյումրին ժամանակավոր կառավարել
Քաղաքականություն
03.12.2024 | 00:31
Գյումրիի քաղաքապետի ժամանակավոր պաշտոնակատարի նոր հավակնորդներ են ի հայտ եկել։
Տեղեկացրել էինք, որ դեկտեմբերի 2-ին տեղի է ունեցել Քաղաքացիական պայմանագիր կուսակցության վարչության արտահերթ նիստը, որտեղ ՔՊ-ականնները Փաշինյանի գլխավորությամբ հանդիպել են ինքնառաջադրված թեկնածուների հետ։
Factor.am-ն արդեն հայտնել էր, որ նախնական ընտրություններում քաղաքապետի ժամանակավոր պաշտոնի համար պայքարելու են վարչապետի տիկնոջ ազգականը՝ Գյումրիի նախկին փոխքաղաքապետ, ատամնաբույժ Վահագն Մկրտչյանը, իշխանական պատգամավորներ Դավիթ Առուշանյանն ու Կարեն Սարուխանյանը, ավագանու ՔՊ-ական անդամ Շավարշ Արամյանն ու ՔՊ համակիր Արտյոմ Թումանյանը։
Նիկոլ Փաշինյանը ՔՊ վարչության նիստից հետո կարճ տեսանյութ է հրապարակել, որից պարզ է դառնում, որ այլ հավակնորդներ ևս կան։ Factor.am-ը նույնականացրել է նոր թեկնածուներին․ նրանք են Շիրակի մարզպետարանի ծրագրերի բաժնի ավագ մասնագետ Էմմա Բարսեղյանը, շախմատիստ Դավիթ Քալաշյանը և Շիրակի նախկին մարզպետ Հովհաննես Հարությունյանի օգնական Լևոն Անանյանը։
Նարեկ Կիրակոսյան
