09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
Վրաստանի վարչապետը բացառել է ընդդիմության հետ բանակցությունների հնարավորությունը
Քաղաքականություն
02.12.2024 | 22:51
Վրաստանի վարչապետ Իրակլի Կոբախիձեն հայտարարել է, որ իշխանությունները մտադիր չեն բանակցություններ վարել ընդդիմադիր կոալիցիաների հետ, որոնք չեն ճանաչում նոր խորհրդարանի լեգիտիմությունը։ Նա նաև մեղադրել է ընդդիմությանը իշխող «Վրացական երազանքի» դեմ սադրանքների միջոցով քաղաքացիական առճակատման հասնելու մեջ։
«Մենք տասն անգամ ավելի շատ կուսակցական ռեսուրսներ ունենք այս չորս կուսակցությունների համեմատ (ընդդիմադիր կոալիցիաներ՝ «Հանուն փոփոխության», «Միասնություն», «Ուժեղ Վրաստան», «Հանուն Վրաստանի»), բայց մենք չենք պատրաստվում անգամ համաչափ արձագանքել նման փաստերին։ Նրանց նպատակը սադրանքներն են, նպատակն է այս ամենը վերածել քաղաքացիական բախման, որին մենք, իհարկե, համբերությամբ կպատասխանենք»,- ասել է Կոբախիձեն մամուլի ասուլիսում, փոխանցում է 1TV-ն:
Որպես նման սադրանքների օրինակ՝ Իրակլի Կոբախիձեն ասել է, որ նախօրեին անհայտ անձինք փորձել են հրկիզել Քութայիսիում գտնվող «Վրացական երազանքի» գրասենյակը, իսկ այսօր՝ դեկտեմբերի 2-ին, քարեր են նետել Զեստաֆոնիում կուսակցության մեկ այլ մասնաճյուղի վրա, ինչի հետևանքով աշխատակիցներից մեկը վիրավորվել է։
Թարգմանությունը՝ Տաթև Ֆռանգյանի
