13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Պուտինը Իրանի նախագահի հետ քննարկել է Սիրիայում իրավիճակը
Քաղաքականություն
02.12.2024 | 18:31
ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Մասուդ Փեզեշքիանի հետ։ Զրույցի գլխավոր թեման եղել է Սիրիայի ճգնաժամը, հայտնում է Կրեմլի մամուլի ծառայությունը։
«Հիմնական ուշադրությունը դարձվել է Սիրիայի Արաբական Հանրապետությունում սրված իրավիճակին։ Ահաբեկչական խմբավորումների և ավազակախմբերի լայնածավալ ագրեսիան գնահատվել է սիրիական պետության ինքնիշխանության, քաղաքական և սոցիալ-տնտեսական կայունության խաթարմանը միտված գործողություն»,- ասված է հայտարարության մեջ։
Նշվում է, որ անվերապահ աջակցություն է արտահայտվել Սիրիայի օրինական իշխանությունների գործողություններին՝ վերականգնելու երկրի սահմանադրական կարգը և տարածքային ամբողջականությունը, նաև ընդգծվել է Թուրքիայի մասնակցությամբ Աստանայի ձևաչափի շրջանակում ջանքերի համակարգման կարևորությունը։
Հաղորդվում է, որ նախագահների և «այլ մակարդակներով» հետագա շփումների պլան է մշակվել։ Կրեմլը նշում է, որ երկու երկրների նախագահները նաև «քննարկել են տարբեր ոլորտներում ռուս-իրանական համագործակցության զարգացման արդիական հարցերը, այդ թվում՝ հաշվի առնելով հոկտեմբերի 23-ին Կազանում կայացած բանակցություններից հետո Պուտինի և Փեզեշքիանի միջև ձեռք բերված պայմանավորվածությունները»։
Թարգմանությունը՝ Էմմա Չոբանյանի
