14.12.2025 | 15:17
Ուկրաինան հարվածել է Ուրյուպինսկի նավթաբազայի և Յարոսլավլի նավթավերամշակման գործարանին
Volkswagen-ի 9 գործարանների աշխատակիցները գործադուլ են հայտարարել
Քաղաքականություն
02.12.2024 | 23:28
Ավտոմեքենաներ և դրանց համար սարքավորումներ արտադրող Volkswagen-ի 9 գործարանների աշխատակիցները Գերմանիայում նախազգուշական գործադուլ են հայտարարել, հայտնում է Reuters-ը։
IG Metall արհմիության կազմում գտնվող տասնյակ հազարավոր աշխատակիցներ դադարեցրել են աշխատանքը։ Գործադուլը տևել է երկու ժամ։ Երեկոյան հերթափոխը նույնպես երկու ժամով գործադուլ է արել։
Նախօրեին IG Metall-ի ղեկավարությունը կոչ էր արել VW-ի բոլոր աշխատակիցներին նախազգուշական գործադուլ սկսել, քանի որ կոնցեռնի հետ բանակցությունների հերթական փուլն անարդյունք է եղել։
VW-ի ղեկավարությունը սեպտեմբերին հայտարարել է, որ, հավանաբար, ստիպված կլինի փակել մի քանի գործարան Գերմանիայում՝ պահանջարկի նվազման և կոնցեռնի ֆինանսական ցուցանիշների վատթարացման պատճառով: Ավելի ուշ հայտնի դարձավ, որ խոսքն առնվազն երեք ձեռնարկություն փակելու մասին է։ Հոկտեմբերի վերջին Գերմանիայում VW-ի 11 գործարաններում արդեն մեկժամյա նախազգուշական գործադուլ էր տեղի ունեցել։
Նոյեմբերի 20-ին արհմիությունը կոնցեռնի ղեկավարությանն առաջարկել է ճգնաժամից դուրս գալու սեփական ծրագիրը, որը ներառում է աշխատավարձերի սառեցում՝ աշխատատեղերի պահպանման դիմաց։ Համաձայն արհմիության հաշվարկների՝ դա պետք է օգնի ընկերությանը կրճատել ծախսերը 1,5 միլիարդ եվրոյով, սակայն անցյալ ուրբաթ՝ նոյեմբերի 29-ին, VW-ի ղեկավարությունը մերժել է այս տարբերակը։
Թարգմանությունը՝ Տաթև Ֆռանգյանի
